Home ຂ່າວປະຈຳວັນ ທຸກການນໍາເຂົ້າ ແລະ ສົ່ງອອກສິນຄ້າປະເພດ ພາຫະນະຢູ່ຂົວມິດຕະພາບ1 ຕ້ອງຜ່ານພາສີປະຕູດຽວ

ທຸກການນໍາເຂົ້າ ແລະ ສົ່ງອອກສິນຄ້າປະເພດ ພາຫະນະຢູ່ຂົວມິດຕະພາບ1 ຕ້ອງຜ່ານພາສີປະຕູດຽວ

Author

Date

Category

ເນື່ອງຈາກໃນໄລຍະຜ່ານມາ ກົມພາສີ ໄດ້ມີການປັບປຸງກົນໄກການເຊື່ອມຕໍ່ລະບົບການຊໍາລະ ລະະຫວ່າງລະບົບແຈ້ງພາສີປະຕູດຽວແລະລະບົບຂອງທະນາຄານ. ສະນັ້ນ, ຈຶ່ງໄດ້ໂຈະນໍາໃຊ້ຊົ່ວຄາວ ລະບົບດັ່ງກ່າວ. ແຕ່ມາຮອດປະຈຸບັນ ລະບົບໄດ້ຮັບການປັບປຸງສໍາເລັດແລ້ວດັ່ງນັ້ນ, ເພື່ອຮັບປະກັນປະສິດທິຜົນ, ຄວາມຄ່ອງຕົວໃນການນໍາໃຊ້ລະບົບແລະຄວາມເປັນເອກະພາບໃນການເປີດນໍາໃຊ້ຄືນ ລະບົບແຈ້ງພາສີປະຕູດຽວແຫ່ງຊາດຢູ່ດ່ານພາສີສາກົນຂົວມິດຕະພາບ 1.ກົມພາສີ, ກະຊວງ ການເງິນ ຈຶ່ງໄດ້ອອກແຈ້ງການ ສະບັບທີ 00609/ກພສ ລົງວັນທີ 3 ກຸມພາ 2020 ເຖິງ ຫົວໜ້າດ່ານ

ພາສີສາກົນຂົວມິດຕະພາບ 1 ເລື່ອງ ການນຳໃຊ້ລະບົບແຈ້ງພາສີປະຕູດຽວແຫ່ງຊາດ ຊາດ (Lao National Single Window) ເຂົ້າໃນການຄຸ້ມຄອງການນໍາເຂົ້າສິນຄ້າປະເພດພາຫະນະ ຢູ່ດ່ານພາສີສາກົນຂົວມິດຕະພາບ 1.ໂດຍແຈ້ງການລະບຸວ່າ: ມອບໃຫ້ດ່ານພາສີສາກົນຂົວມິດຕະພາບ 1 ເອົາໃຈໃສ່ຊີ້ນໍາໜ່ວຍງານທີ່ຕິດພັນກັບວຽກງານການແຈ້ງພາສີປະຕູດຽວແຫ່ງຊາດ ໃຫ້ເລີ່ມນໍາໃຊ້ລະບົບດັ່ງກ່າວຄືນໃໝ່ ສໍາລັບການຄຸ້ມຄອງການນໍາເຂົ້າສິນຄ້າປະເພດຍານພາຫະນະລົດໃຫຍ່ ທີ່ນໍາເຂົ້າໃນຮູບແບບເສຍພາສີ ນັບແຕ່ວັນທີ 06 ກຸມພາ 2010 ເປັນຕົ້ນໄປ.ການຈັດຕັ້ງປະຕິບັດ ຕາມບົດແນະນໍາຂອງກະຊວງ

ການເງິນ, ສະບັບເລກທີ 4217/ກງ, ລົງວັນທີ 28 ທັນວາ 2018 ແລະ ຄໍາແນະນໍາເພີ່ມເຕີມຂອງກົມພາສີ, ສະບັບເລກທີ 04145/ກພສ, ລົງວັນທີ 23 ພຶດສະພາ 2019.ຖ້າຜູ້ປະກອບການໃດທີ່ຍັງບໍ່ທັນໄດ້ລົງທະບຽນນໍາໃຊ້ລະບົບແຈ້ງພາສີປະຕູດຽວ ແມ່ນສາມາດປະສານສົມທົບໂດຍກົງຫາ ບໍລິສັດຮ່ວມພັດທະນາລະບົບແຈ້ງພາສີປະຕູດຽວເບີໂທ: 020 5558 6617, 020 5554 4634 ແລະ 020 5554 4638) ແລະ ມອບໃຫ້ດ່ານພາສີສາກົນຂົວມິດຕະພາບ 1 ເປັນເຈົ້າການໃນການແນະນໍາໃຫ້ຜູ້ກ່ຽວ ດໍາເນີນຂັ້ນຕອນການລົງທະບຽນ ແລະ ອອກລະຫັດຜູ້

ນໍາໃຊ້ໂດຍໄວ ກ່ອນວັນທີ 29 ກຸມພາ 2020.ນັບແຕ່ວັນທີ 01 ມີນາ 2020 ເປັນຕົ້ນໄປ, ທຸກການນໍາເຂົ້າ ແລະ ສົ່ງອອກສິນຄ້າປະເພດຍານພາຫະນະ ຜ່ານດ່ານພາສີສາກົນຂົວມິດຕະພາບ 1 ຕ້ອງດໍາເນີນການແຈ້ງຂໍ້ມູນ ແລະ ເອກະສານຜ່ານລະບົບແຈ້ງພາສີປະຕູດຽວທັງໝົດ. ສະນັ້ນ, ຈຶ່ງມອບໃຫ້ດ່ານພາສີສາກົນຂົວມິດຕະພາບ 1 ເຜີຍແຜ່, ແນະນໍາຜູ້ປະກອບການໃຫ້ຊາບ. ໃນການຈັດຕັ້ງປະຕິບັດຕົວຈິງ ຖ້າພົບຂໍ້ຫຍຸ້ງຍາກ ໃຫ້ລາຍງານຫາກົມພາສີ ເພື່ອມີຄໍາເຫັນຊີ້ນໍາໃນການແກ້ໄຂໂດຍໄວ.

Linda Barbara

Lorem ipsum dolor sit amet, consectetur adipiscing elit. Vestibulum imperdiet massa at dignissim gravida. Vivamus vestibulum odio eget eros accumsan, ut dignissim sapien gravida. Vivamus eu sem vitae dui.

Recent posts

ຜູ້ທີ່ຕິດໂຄວິດ ທີ່ຮັກສາເຊົາແລ້ວ ມີໂອກາດແພ່ເຊື້ອສູ່ຄົນອື່ນໄດ້

ສຳນັກຂ່າວ Southern People Weekly ລາຍງານເມື່ອວັນທີ 22 ກຸມພາ 2020 ວ່າ ທ່ານເຈົ້າ ຈຽນຜິງ ຜູ້ຊ່ຽວຊານດ້ານລະບົບທາງເດີນຫາຍໃຈຊາວຈີນ ແລະຫົວຫນ້າທີມແພດທີ່ເຮັດວຽກໃນມົນທົນຫູເປີ່ຍຂອງຈີນເຕືອນວ່າ ຜູ້ຕິດເຊື້ອໄວຣັດໂຄໂຣນາສາຍພັນໃຫ່ມຫລືໂຄວິດ – 19 ທີ່ຮັກສາຫາຍດີແລ້ວຍັງມີໂອກາດແພ່ເຊື້ອສູ່ຄົນອື່ນໄດ້ນອກຈາກນີ້ທ່ານເຈົ້າ ຍັງໃຫ້ສຳພາດກັບຫນັງສືພິມ The Beijing News ອີກວ່າ ຫນຶ່ງໃນຄົນເຈັບຂອງຕົນທີ່ໄດ້ຮັບ ອະນຸຍາດໃຫ້ກັບບ້ານຫລັງຈາກຜົນກວດໃນຫ້ອງແລ໊ບ 2...

ຂອບໃຈປະເທດຍີ່ປຸ່ນ ທີ່ຊ່ວຍເຫຼືອ ເຕົາເຜົາຂີ້ເຫຍື້ອທາງການແພດທີ່ ຕິດເຊື້ອຈາກໂຮງໝໍ ໃຫ້ນະຄອນຫຼວງວຽງຈັນ

ສະໜາມບໍາບັດຂີ້ເຫຍື້ອ ບ້ານນາຜາສຸກ ເມືອງໄຊທານີ ໄດ້ຈັດພິ ທີມອບ-ຮັບເຕົາເຜົາຂີ້ເຫຍື້ອອັນຕະລາຍ ລະຫວ່າງ ບໍລິສັດຄາຢາມາໂຄກຽວ ຈໍາກັດ ກັບ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ) ພາຍໃຕ້ໂຄງການທົດລອງເພື່ອແນະນໍາເຕັກໂນໂລຊີຂອງບໍລິສັດເອກະຊົນຍີ່ປຸ່ນໃນການຄຸ້ມຄອງ ຂີ້ເຫຍື້ອດ້ານການແພດ ແລະ ຂີ້ເຫຍື້ອອັນຕະລາຍ ໃນນະຄອນຫຼວງວຽງຈັນ (ນວ).ທ່ານ ບຸນຈັນ ແກ້ວສີທໍາມະ ຫົວໜ້າຫ້ອງການ ຄບຕ ກ່າວໃນພິທີວ່າ: ຂີ້ເຫຍື້ອທາງການແພດ...

ກະຊວງສຶກສາ ມອບເງິນ 15 ລ້ານກີບ ຊ່ວຍເຫຼືອນັກສຶກສາລາວ ທີ່ເມືອງອູຮັນ

ວັນທີ 19 ກຸມພາ 2020 ທີ່ຜ່ານມາ, ທ່ານ ນາງ ດາລາພອນ ກິດຕິພັນ ຮັກສາການຫົວໜ້າຫ້ອງການ ກະຊວງສຶກສາທິການ ແລະ ກິລາ ໄດ້ມອບເງິນຈຳນວນ 15 ລ້ານກີບ ໃຫ້ແກ່ທ່ານ ໂພໄຊ ໄຂຄຳພິທູນ ຫົວໜ້າຫ້ອງການ ກະຊວງການຕ່າງປະເທດເພື່ອນຳໄປຊ່ວຍເຫຼືອແບ່ງເບົາຄ່າໃຊ້ຈ່າຍບາງຢ່າງ ຂອງນັກຮຽນ-ນັກສຶກສາ ທີ່ຍັງອາໄສຢູ່ເມືອງອູຮັນ ແຂວງຫູເປີ່ຍ...

ຫາງສຽງຈາກປະຊາຊົນ ກ່ຽວກັບການ ຊຳລະຄ່ານໍ້າປະປາ ຈ່າຍແລ້ວແຕ່ຍັງມີໜີ້ຄ້າງຈ່າຍ

ຈາກຜູ້ໃຊ້ເຟສບຸກທ່ານໜຶ່ງໄດ້ໂພສ ຂ້ອງໃຈ ການຊຳລະຄ່ານໍ້າປະປາ ທັ້ງທີ່ຈ່າຍຜ່ານລະບົບ ບີຊີອີແອວ ວັນ BCEL One  ແຕ່ບິນຊຳລະເດືອນຕໍ່ມາຍັງລະບຸວ່າມີໜີ້ຄ້າງຈ່າຍ.ໂດຍຜູ້ກ່ຽວໂພສວ່າ:ໃຜມີບັນຫາຄ່ານ້ຳປະປາຄືກັນກັບຂ້ອຍບໍ?​ສະເພາະເດືອນ1(ມັງກອນ)​ໄດ້ຈ່າຍໄປແລ້ວມີແຕ່29,​964ກີບແຕ່ມາເດືອນ2 (ກຸມພາ)​ ຍັງມາໄລ່ນໍ້າເດືອນ 1 ຄືນ. (12/2019-1/2020) ແຖມແພງກ່ອນເກົ່າອີກ​ ເອົາຫນ່ວຍວັດແທກໃດຄິດໄລ່. ຝາກຫນ່ວຍງານທີ່ກ່ຽວຂ້ອງກວດສອບເບີ່ງຄືນແໜ່ເດີ ເຮັດແບບນີ້ຫມາຍຄວາມວ່າຈັງໃດ?​

ມະຫາກໍາບຸນຊ້າງຄັ້ງທີ 14 ເປີດຢ່າງເປັນທາງການແລ້ວ

ມະຫາກໍາບຸນຊ້າງ ຄັ້ງທີ 14 ປະຈໍາປີ 2020 ໄດ້ເປີດຂຶ້ນຢ່າງເປັນທາງການໃນຕອນເຊົ້າຂອງວັນທີ 22 ກຸມພາ 2020 ນີ້ ທີ່ເດີ່ນສະໜາມຫຼວງ ແຂວງໄຊຍະບູລີ ໂດຍການເປັນກຽດເຂົ້າຮ່ວມຂອງ ທ່ານ ພັນຄໍາ ວິພາວັນ ຮອງປະທານປະເທດ, ມີທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ມີບັນດາທ່ານລັດຖະມົນຕີ,...

Recent comments

error: Alert: Content is protected !!