Home ຂ່າວປະຈຳວັນ ກອງທັບປະຊາຊົນລາວສົ່ງກໍາລັງໃຈ ແລະ ເຄື່ອງຊ່ວຍເຫລືອໃຫ້ຊາວເມືອງອູ່ຮັນ

ກອງທັບປະຊາຊົນລາວສົ່ງກໍາລັງໃຈ ແລະ ເຄື່ອງຊ່ວຍເຫລືອໃຫ້ຊາວເມືອງອູ່ຮັນ

Author

Date

Category

ວັນທີ 14 ກຸມພາ 2020 ກຳລັງໃຈ ແລະ ເຄື່ອງຂອງສຳພາລະເຊັ່ນ:ຜ້າອະນາໄມອັດປາກ, ຖົງມືອະນາໄມ ແລະອື່ນໆຈາກກໍາລັງປະກອບອາວຸດຂອງກອງທັບປະຊາຊົນລາວພວມຂົນຂຶ້ນເຮືອນບິນ ແລະ ນໍາໄປຊ່ວຍເຫລືອ ປະຊາຊົນເມືອງ ອູຮັນ ສປ ຈີນ.ຂະນະທີ່ ໃນວັນທີ 11 ກຸມພາ ຜ່ານມານີ້, ລັດຖະບານ ສປປ ລາວກໍໄດ້ຈັດຈິດຈະກໍາຮ່ວມກັນລະດົມທຶນກັບພາກລັດ-ເອກະຊົນ, ຜູ້ປະກອບການ ແລະ ປະຊາຊົນທົ່ວໄປສາມາດໄດ້ເງິນຈໍານວນຫລາຍກວ່າ 2,2 ຕື້

ກີບ, 5 ພັນບາດ (ສະກຸນເງິນໄທ), 68.900 ໂດລາສະຫະລັດ ແລະ 3.400 ຢວນ (ສະກຸນເງິນຈີນ), ເຊິ່ງເງິນຈຳນວນນີ້ ແມ່ນຈະນໍາໄປຊື້ອຸປະກອນເຊັ່ນ: ຜ້າອັດປາກ, ຖົງມືແພດ ແລະ ອື່ນໆ ທີ່ຈໍາ ເພື່ອສົ່ງໄປຊ່ວຍເຫລືອປະຊາຊົນຈີນ ທີ່ພວມຕໍ່ສູ້ຕ້ານກັບພະຍາດຮ້າຍແຮງນີ້.ລາວ ແລະ ຈີນ ມີສາຍພົວພັນການທູດຫລາຍກ່ວາ 60 ປີ ເຊິງເປັນປະເທດບ້ານໃກ້ເຮືອນຄຽງທີ່ດີຕໍ່ກັນທີ່ມີພູຜາແມ່ນ້ຳຕໍ່ຈອດກັນ.ຈີນເອົາໃຈໃສ່ໃນລະດັບສູງຕໍ່ການຂະຫຍາຍການ

ພົວພັນຈີນ-ລາວ,ຍິນດີກັບລາວເສີມຂະຫຍາຍມິດຕະພາບອັນເປັນມູນເຊື້ອ,ສືບຕໍ່ຜັນຂະຫຍາຍຕາມທິດ4ດີແລະ ລົງເລິກຄວາມໄວ້ເນື້ອເຊື່ອໃຈທາງການເມືອງເຊິ່ງກັນແລະກັນ, ຈັດຕັ້ງປະຕິບັດແຜນການເຄື່ອນໄຫວສ້າງປະຊາຄົມຮ່ວມຊາຕາກຳຈີນ-ລາວ,ຊຸກຍູ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ,ຊຸກຍູ້ການພົວພັນແລະການຮ່ວມມືກັນລະຫວ່າງສອງປະເທດໃຫ້ຂຶ້ນສູ່ລະດັບໃໝ່.ຊຶ່ງ ສປ ຈີນ ເປັນປະເທດອັນດັບໜຶ່ງທີ່ໃຫ້ການຊ່ວຍເຫລືອແກ່ ສປ ລາວ ໂດຍ

ສະເພາະ ໃນໄລຍະເກີດໄພພິບັດ ແລະ ອື່ນໆ, ປັດຈຸບັນເຮັດໃຫ້ປະຊາຊົນລາວຮູ້ສຶກໄດ້ເຖິງມິດຕະພາບແລະການເປັນປະເທດໃກ້ຄຽງທີ່ດີ, ຕໍ່ກັບສະຖານະການປັດຈຸບັນ, ການເກີດລະບາດພະຍາດ ໄວຣັດ ໂຄໂຣນາ ຢູ່ ແຂວງ ຫູເປີ່ຍ ເມືອງ ອູ່ຮັ້ນ ທີ່ກຳລັງລະບາດຮ້າຍແຮງ, ຊຶ່ງລັດຖະບານຈີນ ກໍໄດ້ສຸມໃສ່ທຸກວິທີທາງເພື່ອສະກັດກັ້ນ ແລະ ໃນຍາມລຳບາກດັ່ງກ່າວ, ທາງລັດຖະບານລາວ ກໍບໍ່ໄດ້ນີ້ງນອນໃຈ ພ້ອມຮ່ວມສົ່ງກຳລັງໃຈ ແລະ ໃຫ້ການຊ່ວຍເຫລືອ ສປ ຈີນ

ຄື: ການຈັດງານລະດົມທຶນ ຊ່ວຍເຫລືອ.ກ່ອນໜ້ານີ້ບໍ່ດົນ, ສະມາຄົມມິດຕະພາບລາວ-ຈີນ, ບັນດາອົງການຊາວຈີນຢູ່ລາວແລະຊາວລາວເຊື້ອສາຍຈີນແລະບໍລິສັດຕ່າງໆໄດ້ບໍລິຈາກອຸປະກອນດ້ານການແພດຈຳນວນຫຼວງຫຼາຍໃຫ້ແກ່ຝ່າຍຈີນ ເຊັ່ນ: ຜ້າອັດປາກ-ອັດດັງ 762.750 ຜືນ, ຖົງມືການແພດ 160.000 ຄູ່, ແວ່ນຕາການແພດ 1.000 ອັນແລະອື່ນໆ ເຊິ່ງອຸປະກອນເຫຼົ່ານີ້ໄດ້ສົ່ງເຖິງຈີນເປັນທີ່ຮຽບຮ້ອຍແລ້ວ.

Linda Barbara

Lorem ipsum dolor sit amet, consectetur adipiscing elit. Vestibulum imperdiet massa at dignissim gravida. Vivamus vestibulum odio eget eros accumsan, ut dignissim sapien gravida. Vivamus eu sem vitae dui.

Recent posts

ຜູ້ທີ່ຕິດໂຄວິດ ທີ່ຮັກສາເຊົາແລ້ວ ມີໂອກາດແພ່ເຊື້ອສູ່ຄົນອື່ນໄດ້

ສຳນັກຂ່າວ Southern People Weekly ລາຍງານເມື່ອວັນທີ 22 ກຸມພາ 2020 ວ່າ ທ່ານເຈົ້າ ຈຽນຜິງ ຜູ້ຊ່ຽວຊານດ້ານລະບົບທາງເດີນຫາຍໃຈຊາວຈີນ ແລະຫົວຫນ້າທີມແພດທີ່ເຮັດວຽກໃນມົນທົນຫູເປີ່ຍຂອງຈີນເຕືອນວ່າ ຜູ້ຕິດເຊື້ອໄວຣັດໂຄໂຣນາສາຍພັນໃຫ່ມຫລືໂຄວິດ – 19 ທີ່ຮັກສາຫາຍດີແລ້ວຍັງມີໂອກາດແພ່ເຊື້ອສູ່ຄົນອື່ນໄດ້ນອກຈາກນີ້ທ່ານເຈົ້າ ຍັງໃຫ້ສຳພາດກັບຫນັງສືພິມ The Beijing News ອີກວ່າ ຫນຶ່ງໃນຄົນເຈັບຂອງຕົນທີ່ໄດ້ຮັບ ອະນຸຍາດໃຫ້ກັບບ້ານຫລັງຈາກຜົນກວດໃນຫ້ອງແລ໊ບ 2...

ຂອບໃຈປະເທດຍີ່ປຸ່ນ ທີ່ຊ່ວຍເຫຼືອ ເຕົາເຜົາຂີ້ເຫຍື້ອທາງການແພດທີ່ ຕິດເຊື້ອຈາກໂຮງໝໍ ໃຫ້ນະຄອນຫຼວງວຽງຈັນ

ສະໜາມບໍາບັດຂີ້ເຫຍື້ອ ບ້ານນາຜາສຸກ ເມືອງໄຊທານີ ໄດ້ຈັດພິ ທີມອບ-ຮັບເຕົາເຜົາຂີ້ເຫຍື້ອອັນຕະລາຍ ລະຫວ່າງ ບໍລິສັດຄາຢາມາໂຄກຽວ ຈໍາກັດ ກັບ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ) ພາຍໃຕ້ໂຄງການທົດລອງເພື່ອແນະນໍາເຕັກໂນໂລຊີຂອງບໍລິສັດເອກະຊົນຍີ່ປຸ່ນໃນການຄຸ້ມຄອງ ຂີ້ເຫຍື້ອດ້ານການແພດ ແລະ ຂີ້ເຫຍື້ອອັນຕະລາຍ ໃນນະຄອນຫຼວງວຽງຈັນ (ນວ).ທ່ານ ບຸນຈັນ ແກ້ວສີທໍາມະ ຫົວໜ້າຫ້ອງການ ຄບຕ ກ່າວໃນພິທີວ່າ: ຂີ້ເຫຍື້ອທາງການແພດ...

ກະຊວງສຶກສາ ມອບເງິນ 15 ລ້ານກີບ ຊ່ວຍເຫຼືອນັກສຶກສາລາວ ທີ່ເມືອງອູຮັນ

ວັນທີ 19 ກຸມພາ 2020 ທີ່ຜ່ານມາ, ທ່ານ ນາງ ດາລາພອນ ກິດຕິພັນ ຮັກສາການຫົວໜ້າຫ້ອງການ ກະຊວງສຶກສາທິການ ແລະ ກິລາ ໄດ້ມອບເງິນຈຳນວນ 15 ລ້ານກີບ ໃຫ້ແກ່ທ່ານ ໂພໄຊ ໄຂຄຳພິທູນ ຫົວໜ້າຫ້ອງການ ກະຊວງການຕ່າງປະເທດເພື່ອນຳໄປຊ່ວຍເຫຼືອແບ່ງເບົາຄ່າໃຊ້ຈ່າຍບາງຢ່າງ ຂອງນັກຮຽນ-ນັກສຶກສາ ທີ່ຍັງອາໄສຢູ່ເມືອງອູຮັນ ແຂວງຫູເປີ່ຍ...

ຫາງສຽງຈາກປະຊາຊົນ ກ່ຽວກັບການ ຊຳລະຄ່ານໍ້າປະປາ ຈ່າຍແລ້ວແຕ່ຍັງມີໜີ້ຄ້າງຈ່າຍ

ຈາກຜູ້ໃຊ້ເຟສບຸກທ່ານໜຶ່ງໄດ້ໂພສ ຂ້ອງໃຈ ການຊຳລະຄ່ານໍ້າປະປາ ທັ້ງທີ່ຈ່າຍຜ່ານລະບົບ ບີຊີອີແອວ ວັນ BCEL One  ແຕ່ບິນຊຳລະເດືອນຕໍ່ມາຍັງລະບຸວ່າມີໜີ້ຄ້າງຈ່າຍ.ໂດຍຜູ້ກ່ຽວໂພສວ່າ:ໃຜມີບັນຫາຄ່ານ້ຳປະປາຄືກັນກັບຂ້ອຍບໍ?​ສະເພາະເດືອນ1(ມັງກອນ)​ໄດ້ຈ່າຍໄປແລ້ວມີແຕ່29,​964ກີບແຕ່ມາເດືອນ2 (ກຸມພາ)​ ຍັງມາໄລ່ນໍ້າເດືອນ 1 ຄືນ. (12/2019-1/2020) ແຖມແພງກ່ອນເກົ່າອີກ​ ເອົາຫນ່ວຍວັດແທກໃດຄິດໄລ່. ຝາກຫນ່ວຍງານທີ່ກ່ຽວຂ້ອງກວດສອບເບີ່ງຄືນແໜ່ເດີ ເຮັດແບບນີ້ຫມາຍຄວາມວ່າຈັງໃດ?​

ມະຫາກໍາບຸນຊ້າງຄັ້ງທີ 14 ເປີດຢ່າງເປັນທາງການແລ້ວ

ມະຫາກໍາບຸນຊ້າງ ຄັ້ງທີ 14 ປະຈໍາປີ 2020 ໄດ້ເປີດຂຶ້ນຢ່າງເປັນທາງການໃນຕອນເຊົ້າຂອງວັນທີ 22 ກຸມພາ 2020 ນີ້ ທີ່ເດີ່ນສະໜາມຫຼວງ ແຂວງໄຊຍະບູລີ ໂດຍການເປັນກຽດເຂົ້າຮ່ວມຂອງ ທ່ານ ພັນຄໍາ ວິພາວັນ ຮອງປະທານປະເທດ, ມີທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ມີບັນດາທ່ານລັດຖະມົນຕີ,...

Recent comments

error: Alert: Content is protected !!