ຫວຽດນາມຮັກສາຜູ້ປ່ວຍ ທີ່ຕິດເຊື້ອໂຄວິດ-19 ໃຫ້ເຊົາດີເກືອບໝົດແລ້ວ

0
22371

ສຳນັກຂ່າວຕ່າງປະເທດລາຍງານ ເມື່ອວັນທີ່ 25 ກຸມພາ 2020 ວ່າ ກະຊວງສາທາລະນະສຸກຂອງຫວຽດນາມອອກຖະແຫຼງການເມື່ອວັນອັງຄານ ເລື່ອງການບໍ່ພົບຜູ້ຕິດເຊື້ອໄວຣັດໂຄໂຣນາສາຍພັນໃຫ່ມ ໂຄວິດ-19 ເພີ່ມອີກນັບຕັ້ງແຕ່ວັນທີ່ 13 ກຸມພາເປັນຕົ້ນມາ ຂະນະທີ່ຜູ້ຕິດເຊື້ອລວມໃນປະເທດຈົນເຖິງຕອນນີ້ຊື່ງມີຢູ່ 16 ຄົນລວມເຖິງເດັກນ້ອຍ 3 ເດືອນນັ້ນ ລ້ວນໄດ້ຮັບການຮັກສາຈົນຫາຍດີ ແລະຄະນະແພດອະນຸຍາດໃຫ້ກັບບ້ານໄດ້

ເກືອບຫມົດແລ້ວທັງນີ້ ຜູ້ຕິດເຊື້ອຊື່ງພັກຮັກສາໂຕຢູ່ໃນໂຮງຫມໍເຫລືອພຽງ ຜູ້ຕິດເຊື້ອຄົນທີ່16ເປັນຊາຍອາຍຸປະມານ50ປີຕິດເຊື້ອຈາກລູກສາວຊື່ງຫາກໍ່ເດີນທາງກັບມາຈາກເມືອງອູ່ຮັ່ນເມືອງເອກຂອງມົນທົນຫູເປີ່ຍທາງພາກກາງຂອງຈີນທີ່ເປັນສູນກາງການແຜ່ລະບາດຂອງພະຍາດ ຢ່າງໃດກໍ່ຕາມ ຕອນນີ້ຄົນເຈັບມີອາການດີຂື້ນເປັນລຳດັບແລະຄາດວ່າຄະນະແພດຈະອະນຸຍາດໃຫ້ກັບບ້ານໄດ້ໃນອີກບໍ່ຊ້ານີ້ອີກປະການຫນຶ່ງຫວຽດນາມລາຍງານການ

ພົບຕິດເຊື້ອຈາກໄວຣັດໂຄວິດ-19 ຄັ້ງທຳອິດເມື່ອວັນທີ່ 23ມັງກອນທີ່ຜ່ານມາ ເປັນພົນລະເມືອງຈີນ 2 ຄົນ ດ້ານກະຊວງການເງີນຂອງຫວຽດນາມອອກລາຍງານເມື່ອອາທິດຜ່ານມາ ຍັງຄົງເຊື່ອຫມັ້ນວ່າຜະລິດຕະພັນມວນລວມໃນປະເທດ (ຈີດີພີ) ໃນປີນີ້ ຈະຍັງຄົງເຕີບໂຕໄດ້ຕາມເປົ້າຫມາຍຄື 6.8% ແມ່ນວ່າແຮງສຽດທານຈາກພາຍນອກຍັງຢູ່ໃນລະດັບສູງ ທັງຈາກສົງຄາມການຄ້າ ແລະສະຖານະການການແຜ່ລະບາດຂອງເຊື້ອໄວຣັດໂຄໂຣນາ

ສາຍພັນໃຫ່ມ ໂດຍມາດຕະການຊ່ວຍເຫລືອ ແລະສະຫນັບສະຫນູນເສດຖະກິດພາຍໃນປະເທດນັ້ນເບື້ອງຕົ້ນລວມເຖິງການບໍ່ຂື້ນພາສີສິນຄ້າ ແລະບໍລິການທີ່ຢູ່ພາຍໃຕ້ການຄວບຄຸມຂອງລັດ ຂະນະດຽວກັນໃຫ້ເພີ່ມການອຳນວຍຄວາມສະດວກ ແລະສົ່ງເສີມການນຳເຂົ້າວັດຖຸດິບ ແລະອຸປະກອນເພື່ອກະຕຸ້ນການຜະລິດພາຍໃນປະເທດ