ເຕືອນ ບໍ່ເຈັບປ່ວຍຫ້າມ ໃສ່ຫນ້າກາກອານາໄມ ເພາະອາດສ່ຽງຕິດໂຄວິດ-19 ຫຼາຍຂື້ນ

0
37761

ເມື່ອວັນທີ 29 ກຸມພາ 2020 ເວັບໄຊນິດຕະຍາສານ ຟອບ ຂອງອາເມຣິກາ ເຜີຍແຜ່ບົດຄວາມກ່ຽວກັບການໃສ່ຫນ້າກາກອານາໄມ ເພື່ອປ້ອງກັນເຊື້ອໂຄວິດ-19ໂດຍອ້າງການເປີດເຜີຍຂອງທ່ານ ອີໄລເປເຣນເຊວິຊຜູ້ຊ່ຽວຊານດ້ານການປ້ອງກັນພະຍາດຕິດຕໍ່ແລະສາດສະດາຈານດ້ານຜະລິດຕະພັນການແພດ ແລະລະບາດວິທະຍາຂອງວິທະຍາໄລແພດມະຫາວິທະຍາໄລໄອໂອວາ ໂດຍທ່ານຮຽກຮ້ອງບໍ່ໃຫ້ປະຊາຊົນໃສ່ຫນ້າກາກອານາໄມໂດຍບໍ່ຈຳເປັນທ່ານ ເປເຣນເຊວິຊ ລະບຸວ່າ ຄົນສຸຂະພາບດີບໍ່ຈຳເປັນຕ້ອງໃສ່ຫນ້າກາກໃດໆ ເພື່ອປ້ອງກັນໄວຣັດໂຄໂຣນາ ຫລືໂຄວິດ-19 ຕໍ່ໃຫ້ມີຜູ້ຕິດເຊື້ອຢູ່ຂ້າງບ້ານກໍ່ຕາມ ແລະບໍ່ພຽງບໍ່ຈຳເປັນເທົ່ານັ້ນ ຍັງບໍ່ຄວນໃສ່ດ້ວຍເພາະບໍ່ມີຫລັກຖານວ່າຫນ້າກາກຈະຊ່ວຍປົກປ້ອງພວກເຂົາໄດ້ ຫາກພວກເຂົາໃສ່ຢ່າງບໍ່ຖືກຕ້ອງຈະເປັນການເພີ່ມຄວາມສ່ຽງຕິດເຊື້ອຂື້ນອີກ ເພາະພວກເຂົາຈະແຕະຕ້ອງໃບຫນ້າຂອງໂຕເອງຫລາຍຂື້ນ

ທ່ານ ເປເຣນເຊວິຊຢ້ຳວ່າ ການໃສ່ຫນ້າກາກບໍ່ແມ່ນເຮັດເພື່ອຢຸດບໍ່ໃຫ້ໄວຣັດເຂົ້າປາກຫລືດັງຂອງຄົນໃສ່ ໄວຣັດໂຄວິດ-19 ຕິດຕໍ່ຜ່ານສານຄັດຫລັ່ງ ບໍ່ແມ່ນທາງອາກາດຫມາຍຄວາມວ່າເຈົ້າບໍ່ສາມາດທີ່ຈະສູດມັນເຂົ້າໄປໄດ້ຫນ້າກາກອານາໄມອອກແບບມາເພື່ອປ້ອງກັນບໍ່ໃຫ້ສານຄັດຫລັ່ງອອກໄປຈາກຄົນໃສ່ ແລະມີຈຸດປະສົງເພື່ອບໍ່ໃຫ້ຜູ້ໃສ່ໄປເຮັດໃຫ້ຄົນອື່ນຕິດພະຍາດ ເວລາດຽວທີ່ທ່ານຄວນໃສ່ຫນ້າກາກອານາໄມຄື ເວລາທີ່ທ່ານເຈັບປ່ວຍແລ້ວຕ້ອງອອກໄປຈາກທີ່ພັກ ທ່ານ ເປເຣນເຊວິຊກ່າວ ຂະນະທີ່ຫນ້າກາກຊ່ວຍປ້ອງກັນຜູ້ໃສ່ຈາກໄວຣັດ ແລະແບັກທີເຣຍຄື ‘respirator’ ຫລືອຸປະກອນປ້ອງກັນລະບົບຫາຍໃຈ ບໍ່ແມ່ນ ແມສ (mask) ແລະຕ້ອງມີຄ່າປະສິດທິພາບ (efficiency rating) ລະດັບ ‘N95’, ‘FFP2’ ແລະອື່ນໆ ທີ່ບົ່ງບອກວ່າສາມາດປ້ອງກັນໂມເລກຸນໄດ້ຫລາຍເທົ່າໃດ ແລະຂະຫນາດເທົ່າໃດ

ທ່ານ ເປເຣນເຊວິຊ ຍັງບໍ່ແນະນຳໃຫ້ຊື້ອຸປະກອນປ້ອງກັນລະບົບຫາຍໃຈມາໃສ່ ເນື່ອງຈາກການໃສ່ຈຳເປັນຕ້ອງໄດ້ຮັບການເຝິກຝົນແຕ່ບໍລິສັດຜູ້ຜະລິດຢ່າງ M3 ຢ້ຳວ່າ ບໍ່ວ່າ respirator ຈະດີເທົ່າໃດກໍ່ມີໂອກາດທີ່ຈະມີການຮົ່ວໄຫລເຂົ້າໄປເລັກນ້ອຍ ຂະນະທີ່ການໃຊ້ຫລືຖິ້ມອຸປະກອນລະບົບຫາຍໃຈ ຢ່າງບໍ່ຖືກຕ້ອງຈະຍິ່ງເພີ່ມຄວາມສ່ຽງຕິດເຊື້ອ ເພາະມັນຈະກັກທຸກສິ່ງທຸກຢ່າງໃສ່ອາກາດທີ່ເຈົ້າພະຍາຍາມຫລີກລ້ຽງເອົາໄວ້ຂ້າງໃນ ແລະຄົນສ່ວນຫລາຍກໍ່ເຜີສຳຜັດໃບຫນ້າໂຕເອງໂດຍບໍ່ທັນຄິດ

ການໃສ່ຫນ້າກາກເປັນເລື່ອງຫຍຸ່ງຍາກ ເພາະມັນສາມາດສ້າງຄວາມຮູ້ສຶກປອດໄພຜິດໆ ໃຫ້ຜູ້ໃສ່ໄດ້ ທ່ານ ເປເຣນເຊວິຊກ່າວ ຖ້າເຈົ້າບໍ່ລ້າງມືກ່ອນ ແລະຫລັງຈາກຖອດຫນ້າກາກ ຄວາມສ່ຽງຂອງທ່ານກໍ່ຈະເພີ່ມຂື້ນ ນອກຈາກນີ້ການທີ່ຄົນແຫ່ຊື້ຫນ້າກາກອານາໄມມາໃສ່ ເຮັດໃຫ້ບຸກຄະລາກອນທາງການແພດຊື່ງເປັນຜູ້ທີ່ຕ້ອງການໃຊ້ຫນ້າກາກເຫລົ່ານີ້ແທ້ໆ ເຂົ້າເຖິງຫນ້າກາກໄດ້ຍາກຂື້ນອີກດ້ວຍສ່ວນວິທີປ້ອງກັນຕົນເອງຈາກໄວຣັດໂຄວິດ-19 ທີ່ດີທີ່ສຸດນັ້ນຄືການລ້າງມືດ້ວຍສະບູ ໂດຍດຣ. ເຟລມມິງ ສາດສະດາຈານຊີວະຟີສິກ ຈາກມະຫາວິທະຍາໄລຈອນ ຮ໊ອບກິນສ ອະທິບາຍວ່າ ໄວຣັດໂຄໂຣນາມີເຍື້ອຫຸ້ມເຊລປະເພດສານອິນຊີພາຍນອກຢູ່ ການລ້າງມືດ້ວຍສະບູ ແລະນ້ຳກໍ່ສາມາດລະລາຍຜິວພາຍນອກ ແລະຂ້າໄວຣັດໄດ້ແລ້ວ

ທ່ານ ເປເຣນເຊວິຊ ເສີມດ້ວຍວ່າ ຄວນລ້າງມືກ່ອນ ແລະຫລັງຈາກຮັບປະທານອາຫານ ແລະພະຍາຍາມເຝິກໂຕເອງບໍ່ໃຫ້ແຕະຕ້ອງໃບຫນ້າ ໂດຍສະເພາະທີ່ປາກແລະດັງ ລວມທັງພົບນ້ຳຢາລ້າງມືເອົາໄວ້ ເພື່ອກໍລະນີທີ່ຫາສະບູ ແລະນ້ຳບໍ່ໄດ້ ຫລັງຈາກທີ່ເຈົ້າຈັບຫນ້າຫລືພື້ນຜິວທີ່ມີເຊື້ອພະຍາດອື່ນເຊັ່ນ ລູກປິດປະຕູດ້ວຍແຕ່ເພາະມັນເປັນໄວຣັດພະຍາດທາງເດີນຫາຍໃຈ ບໍ່ໄດ້ຫມາຍຄວາມວ່າມັນເຂົ້າສູ່ຮ່າງຫາຍຜ່ານການຫາຍໃຈ ມັນສາມາດເຂົ້າສູ່ຮ່າງກາຍເມື່ອມືທີ່ປົນເປື້ອນສຳຜັດປາກຫລືໃບຫນ້າຂອງເຈົ້າ ດັງນັ້ນລ້າງມື ແລະຢ່າສຳຜັດປາກຫລືໃບຫນ້າໂດຍບໍ່ລ້າງມືກ່ອນ