ລັກມາຫຼາຍຄັ້ງ ລ່າສຸດຖືກຈັບຕົວໄດ້ 2 ຄົນ ລັກຕັດສາຍໄຟສະຖານີໄຟຟ້າ ໂຄກສະອາດ ແລ້ວນຳໄປຂາຍໄດ້ເງິນມາກໍ່ໃຊ້ກິນ ຟຸມເຟືອຍ ແລະ ຊື້ຢາບ້າເສບຈົນໝົດ

0
89

ປກສ ເມືອງໄຊທານີ ຈັບຜູ້ລັກຕັດສາຍໄຟຟ້າ 2 ຄົນກອງບັນຊາການ ປກສ ເມືອງ ໄຊທານີ ນະຄອນຫຼວງວຽງຈັນ ສາມາດ ມ້າງຄະດີລັກຕັດສາຍໄຟຢູ່ສະຖານີໄຟ ຟ້າ ໂຄກສະອາດ ຕັ້ງຢູ່ບ້ານສະພັງຄະນົງ ເມືອງໄຊທານີ ແລະ ຢູ່ເສັ້ນທາງລົດໄຟ ລາວ-ຈີນ ເຂດບ້ານນາແຄ ເມືອງໄຊທານີ ໄດ້ 2 ເລື່ອງ, ຈັບຕົວຜູ້ຖືກຫາໄດ້ 2 ຄົນ.

ພັທ ສຸລິວັນ ແກ້ວມະນີວົງ ຮອງ ຫົວໜ້າກອງບັນຊາການ ປກສ ເມືອງໄຊ ທານີ ຜູ້ຊີ້ນໍາວຽກງານຕໍາຫຼວດ ຖະແຫຼງ ຕໍ່ສື່ມວນຊົນ ປກສ ໃນວັນທີ 4 ພະຈິກ 2022 ວ່າ: ພາຍຫຼັງໄດ້ຮັບແຈ້ງຄວາມ ຈາກອົງການປົກຄອງບ້ານ ໃນວັນທີ 15 ຕຸລາ 2022 ວ່າມີຄົນເຂົ້າມາລັກຕັດສາຍ ໄຟຢູ່ສະຖານີໄຟຟ້າໂຄກສະອາດ, ກອງ

ບັນຊາການ ປກສ ເມືອງຈຶ່ງມອບໃຫ້ເຈົ້າ ໜ້າທີ່ວິຊາສະເພາະ ລົງສົມທົບກັບພາ ກສ່ວນກ່ຽວຂ້ອງກວດກາສະຖານທີ່ເກີດເຫດ, ພ້ອມທັງຂຶ້ນບັນຊີຄັດຈ້ອນເປົ້າ ໝາຍ ຈົນສາມາດຈັບຕົວເປົ້າໝາຍໄດ້ ໃນວັນດຽວກັນ ຊື່ ທ້າວ ຊຽງທອນ ອາຍຸ 25 ປີ ກຳມະກອນ ພັກເຊົາຢູ່ບ້ານ ໂຄກນ້ອຍ ເມືອງໄຊທານີ; ຜ່ານການສອບ ສວນ ຈຶ່ງຮູ້ໄດ້ວ່າ:

ໄລຍະປີ 2019 ທ້າວ ຊຽງທອນ ໄດ້ລົງມາຈາກບ້ານຫົວຊຽງ ເມືອງຊຳໃຕ້ ແຂວງຫົວພັນ ຈຸດປະສົງ ມາຊອກວຽກເຮັດງານທຳຢູ່ນະຄອນ ຫຼວງວຽງຈັນ, ໃນໄລຍະທີ່ເຮັດວຽກເປັນ ກຳມະກອນຢູ່ນະຄອນຫຼວງນັ້ນ ຜູ້ກ່ຽວ ໄດ້ມີການພົວພັນຢາເສບຕິດ (ຢາບ້າ); ພາຍຫຼັງເສບຢາແລ້ວກໍມີການເຄື່ອນ ໄຫວລັກຊັບ ແລະ ຍອມຮັບອີກວ່າ: ໄດ້ ເຂົ້າມາລັກຕັດສາຍໄຟຢູ່ສະຖານີໄຟຟ້າ ໂຄກສະອາດແລ້ວ 3 ຄັ້ງ.

ຄັ້ງທີ 1 ເວລາປະມານ 23:00 ໂມງ ຂອງວັນທີ 30 ກັນຍາ 2022 ລັກຕັດ ສາຍໄຟ ໄດ້ຈຳນວນ 4 ເສັ້ນ ຄວາມ ຍາວປະມານ 50 ຊມ, ນ້ຳໜັກ 3 ກິໂລ 5 ຂີດ.ຄັ້ງທີ 2 ເວລາ 23:00 ໂມງຂອງ ວັນ 9 ຕຸລາ 2022 ໄດ້ລັກຕັດສາຍໄຟ ຈຳນວນ 2 ເສັ້ນ. ຄັ້ງທີ 3 ເວລາປະມານ 24:00 ໂມງ ຂອງວັນ 14 ຕຸລາ 2022 ໄດ້ລັກຕັດສາຍ ໄຟ ຈຳນວນ 2 ເສັ້ນ ຄວາມຍາວ 3 ແມັດ.

ລວມນໍ້າໜັກຂອງສາຍໄຟຟ້າທີ່ ເຂົ້າໄປ ລັກຕັດຈໍານວນ 3 ຄັ້ງປະມານ 60 ກິໂລ, ພາຍຫຼັງລັກໄດ້ແລ້ວ ຜູ້ກ່ຽວໄດ້ປອກ ເສັ້ນສາຍໄຟຟ້າ ແລະ ນຳໄປຂາຍໃຫ້ຮ້ານ ຂາຍຫຼັກເສດທົ່ວໄປ; ພາຍຫຼັງໄດ້ເງິນ ມາຜູ້ກ່ຽວກໍນໍາເງິນໄປໃຊ້ຈ່າຍຫຼິ້ນກິນ ຟຸມເຟືອຍ ແລະ ຊື້ຢາບ້າເສບຈົນໝົດ.

ໃນວັນທີ 13 ຕຸລາ 2022 ເຈົ້າ ໜ້າທີ່ ປກສ ເມືອງໄຊທານີ ໄດ້ຮັບແຈ້ງ ຄວາມຈາກການຈັດຕັ້ງບ້ານ ວ່າ: ມີຄົນ ຮ້າຍລັກຕັດສາຍໄຟຢູ່ເສັ້ນທາງລົດໄຟ ເຂດບ້ານນາແຄ ເມືອງໄຊທານີ ພາຍຫຼັງ ໄດ້ຮັບແຈ້ງຄວາມແລ້ວຈຶ່ງໄດ້ແຕ່ງຕັ້ງເຈົ້າໜ້າທີ່ລົງກວດກາສະຖານທີ່ເກີດເຫດ ຕົວຈິງຕົກມາຮອດຕອນແລງຂອງວັນ ດຽວກັນ ສາມາດຈັບຕົວຄົນ

ຮ້າຍທີ່ກໍ່ ເຫດໄດ້ ຊື່ ທ້າວ ອ໋ອດ ຫຼື ເຕ້ຍ ອາຍຸ 40 ປີ ກຳມະກອນພັກເຊົາຢູ່ບ້ານດົງສ້າງ ຫີນ ເມືອງໄຊທານີ; ຜ່ານການສອບສວນຜູ້ ກ່ຽວຮັບສາລະພາບວ່າ: ເຄີຍລັກຕັດ ສາຍໄຟຢູ່ທາງລົດໄຟມາແລ້ວ 2 ຄັ້ງ.

ຄັ້ງທີ 1 ໃນວັນທີ 11 ຕຸລາ 2022 ເວລາ 4:00 ໂມງເຊົ້າ ທ້າວ ອ໋ອດ ກັບໝູ່ ອີກໜຶ່ງຄົນ ໄດ້ພ້ອມກັນໄປລັກຕັດເອົາ ສາຍໄຟ ຢູ່ເສັ້ນທາງລົດໄຟ ລາວ-ຈີນ ເຂດບ້ານນາແຄ ໂດຍໃຊ້ພ້າເປັນອຸປະກອນ ຕັດສາຍໄຟພາຍຫຼັງຕັດໄດ້ແລ້ວ ໄດ້ດຶງ ສາຍໄຟໄປປອກຢູ່ປ່າ ເມື່ອປອກແລ້ວຈຶ່ງ ນຳເອົາສາຍທອງໄປຂາຍໃຫ້ຮ້ານຮັບຊື້ ເຫຼັກເສດ ມີນໍ້າໜັກ 5 ກິໂລ.

ຄັ້ງທີ 2 ໃນວັນທີ 12 ຕຸລາ 2022 ໄດ້ຮ່ວມກັບໝູ່ເຂົ້າໄປລັກຕັດເອົາສາຍ ໄຟຢູ່ບ່ອນເກົ່າອີກ ລວມສາຍໄຟທີ່ຕັດໄດ້ ຍາວ 13 ແມັດ ແລ້ວນໍາເອົາໄປຂາຍໃຫ້ຮ້ານຊື້ຂາຍເຫຼັກເສດອີກ ເມື່ອໄດ້ເງິນ ຈາກການຂາຍສາຍໄຟມາແລ້ວກໍນໍາເງິນ ໄປຊື້ຢາບ້າມາເສບຈົນໝົດ.ປັດຈຸບັນ, ເຈົ້າໜ້າທີ່ ປກສ ເມືອງໄຊທານີ ກໍາລັງ ເລັ່ງຕິດຕາມຈັບຕົວຜູ້ຮ່ວມຂະບວນການດຽວກັນອີກໜຶ່ງຄົນທີ່ເອົາຕົວຫຼົບໜີ ມາດໍາເນີນຄະດີຕາມລະບຽບກົດໝາຍ.

ພາບ-ຂ່າວ: ຈັນສະໝອນ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.