ເຈົ້າໜ້າທີ່ໄທ ບຸກຄົ້ນແຫລ່ງທຶນຈີນ ພ້ອມຍຶດເງິນສົດ ແລະ ຊັບສິນທັງໝົດຫລາຍກວ່າ 300 ລ້ານບາດ ຫລື ປະມານ 140 ຕື້ກວ່າກີບ
ສຳນັກຂ່າວ workpoint ລາຍງານໃຫ້ຮູ້ວ່າ: ວັນທີ 3 ພະຈິກ 2022 ຜ່ານມາ, ທ່ານ ພົນເອກ ຕໍ່ສັກ ສຸກວິມົນ ພ້ອມດ້ວຍຄະນະ ຮ່ວມກັນຖະແຫລ່ງຜົນປະຕິບັດການ ພາຍຫລັງຕຳຫລວດໄຊເບີ ຂະຫຍາຍຜົນຄະດີ ຜັບຈິນຫລິງ ເຂດນາວາ ບຸກຄົ້ນແຫລ່ງທຶນຈີນ 3 ຈຸດໃນກຸງເທບຄື:
ຈຸດທີ1 ຄົ້ນເຮືອນ ເຂດປະເວດ ພົບຊາວຈີນ 5 ຄົນ ແລະ ຄົນໄທ 3 ຄົນ ພ້ອມຊັບສິນ ຫລາຍລາຍການເຊັ່ນ: ລົດຫລູຫລາຍຄັນ, ໂທລະສັບ 13 ໜ່ວຍ, ໂນດບຸກ 3
ໜ່ວຍ ແລະ ເງິນສົດ 7 ລ້ານບາດ ຫລື ປະມານ 3 ຕື້ກວ່າກີບ.ຈຸດທີ2 ຄົ້ນເຮືອນ ໃນໝູ່ບ້ານຫລູ ເຂດປະເວດ ພົບຊາຍຊາວຈີນ 1 ຄົນ ແລະ ຄົນໄທ 2 ຄົນ ພ້ອມຍຶດ
ຊັບສິນຫລາຍລາຍການ. ຈຸດທີ3 ຄົ້ນຄອນໂດ ບໍລິເວນຊອຍສຸຂຸມວິດ39 ພົບຊາຍຈີນ 4 ຄົນ ພົບຍຶດຊັບສິນ ເງິນສົດ 28 ລ້ານບາດ ຫລື ປະມານ 13 ຕື້ກວ່າກີບ ແລະ ກະເປົາແບຣນເນມ 8 ໜ່ວຍ.
ຊັບສິນທີ່ຍຶດໄດ້ຄັ້ງນີ້ມີເງິນສົດ 40 ລ້ານບາດ ຫລື ປະມານ 18 ຕື້ກວ່າກີບ ແລະ ຊັບສິນອື່ນໆ ລວມທັງໝົດຫລາຍກວ່າ 300 ລ້ານບາດ ຫລື ປະມານ 140 ຕື້ກວ່າກີບ.
