ຫວຽດນາມ ຕັ້ງເປົ້າໄປບານໂລກ 2030 ຫລັງປະທານສະຫະພັນບານເຕະຄົນປະຈຸບັນ ໄດ້ຮັບເລືອກດຳລົງຕຳແໜ່ງອີກຄັ້ງສະຫະພັນບານເຕະຫວຽດນາມ ຈັດການເລືອກຕັ້ງປະທານສະຫະພັນບານເຕະໂດຍທ່ານ ຕຣັນ ຫງອກ ຕວນ ໄດ້ຮັບເລືອກຕັ້ງເປັຮປະທານສະຫະພັນບານເຕະອີກເທື່ອໜຶ່ງ.
ຈາກທີ່ປະທານສະຫະພັນບານເຕະໄດ້ຖືກເລືອກໃຫ້ດໍາລົງຕໍາແໜ່ງອີກຄັ້ງ, ໄດ້ປະກາດຕັ້ງເປົ້າໝາຍທີ່ຊັດເຈນຂອງລາວໃນການກ້າວເປັນອັນດັບຕົ້ນໆຂອງອາຊີ ໂດຍຕັ້ງເປົ້າໝາຍຈະໄປແຂ່ງຂັນບານໂລກ 2030 ຮອບສຸດທ້າຍໃຫ້ໄດ້
ກ່ອນຈະເຖິງຈຸດນັ້ນ ສະຫະພັນບານເຕະຫວຽດນາມ ໄດ້ວາງເປົ້າໝາຍໃຫ້ແກ່ທີມຊາດໃຫຍ່ໄວ້ຕາມລຳດັບຄື:ກ້າວຂຶ້ນໄປຕິດອັນດັບ 10 ຂອງອາຊີ ໄດ້ເຂົ້າຮອບ 18 ທີມໃນບານໂລກ 2026 ໂຊນອາຊີ ຢ່າງໜ້ອຍ
ຜ່ານເຂົ້າຮອບ 8 ທີມສຸດທ້າຍ ບານເຕະເອຊຽນ ຄັບ 2023 ແລະ ຜ່ານເຂົ້າຮອບຮອງຊະນະເລີດ ເອຊຽນ ຄັບ 2027 ໄດ້ເຂົ້າຮອບຊິງຊະນະເລີດການແຂ່ງຂັນບານເຕະຊີງແຊ້ມອາຊຽນ 2022, 2024 ແລະ 2026 ແລະ ເປັນແຊ້ມຢ່າງໜ້ອຍ 1 ສະໄໝ
ຂະນະທີ່ ທີມຊຸດ U-23 ສະຫະພັນບານເຕະຫວຽດນາມ ມັນຕັ້ງເປົ້າໃຫ້ຈົບອັນດັບທີ່ດີທີ່ສຸດໃນປີ 2024 ແລະ 2026, ພ້ອມທັງເປັນແຊ້ມຂອງຊີເກມ 2023 ແລະ 2025
ສ່ວນເປົ້າໝາຍຂອງທີມບານເຕະຍິງຕ້ອງຮັກສາມາດຕະຖານເປັນ 1 ໃນ 6 ຂອງທະວີບອາຊີ. ຂະນະທີ່ ຟຸດຊໍຊາຍ ມຸ່ງເປົ້າໄປເຖິງ ຟຸດຊໍໂລກ 2024 ໃຫ້ໄດ້ ລວມເຖິງການຕິດອັນດັບ 1 ໃນ 3 ຊິງແຊ້ມອາຊຽນ ເພື່ອເຂົ້າຮອບສຸດທ້າຍຊິງແຊ້ມອາຊີ ໃຫ້ໄດ້.
