ແຂວງອັດຕະປື ຍັງມີການລັກລອບ​ ຂຸດຄົ້ນແຮ່ທາດແບບບໍ່ຖືກຕ້ອງກົດໝາຍ

0
63

ແຂວງອັດຕະປື ຍັງມີການລັກລອບ​ ຂຸດຄົ້ນແຮ່ທາດແບບບໍ່ຖືກຕ້ອງກົດໝາຍອີງຕາມການລາຍງານຂອງ ທ່ານ ວິທະຍາ ພົມມະຈັນ ຫົວໜ້າພະແນກພະລັງງານ ແລະ ບໍ່ແຮ່ ແຂວງອັດຕະປື ຕໍ່ກອງປະຊຸມອົງການປົກຄອງແຂວງ ປະຈໍາງວດ III ເມື່ອບໍ່ດົນນີ້ວ່າ: ແຂວງອັດຕະປື ຍັງເກີດມີກຸ່ມຄົນສວຍໂອກາດເຂົ້າມາລັກລອບຂຸດຄົ້ນ, ຊື້-ຂາຍແຮ່

ທາດແບບຊະຊາຍ ຊຶ່ງໃນໄລຍະຜ່ານມາ ອົງການປົກຄອງແຂວງ, ເມືອງ, ຂະແໜງການພະລັງງານ ແລະ ບໍ່ແຮ່ ກໍໄດ້ອອກຄຳສັ່ງ, ແຈ້ງການ ແລະ ແຕ່ງຕັ້ງຄະນະສະເພາະກິດຂັ້ນແຂວງ, ຂັ້ນເມືອງ ລວມທັງເຈົ້າໜ້າທີ່ ປກສ-ປກຊ ຮ່ວມກັນເຄື່ອນໄຫວລາດຕະເວນຢ່າງເປັນປົກກະຕິກໍຕາມ, ພ້ອມທັງກັກຕົວຜູ້ລະເມີດມາສຶກສາອົບຮົມ ແລະ ປັບໄໝຫລາຍຄັ້ງ, ທັງອອກແຈ້ງຫ້າມ ແລະ ວາງມາດຕະການຕໍ່ຜູ້ລະເມີດ.​

ການລັກລອບຂຸດຄົ້ນ, ຊື້-ຂາຍແຮ່ທາດແບບຊະຊາຍ ສ່ວນຫລາຍແມ່ນຍ້ອນການມີສ່ວນຮ່ວມຂອງບ້ານ ແລະ ປະຊາຊົນເຂດດັ່ງກ່າວ ຍັງມີການລັກລອບຂຸດຄົ້ນແຮ່ທາດ ແລະ ຍັງມີການຊື້ການຂາຍກັນແບບຊະຊາຍ ສາເຫດກໍຍ້ອນວ່າ: ຈຸດລັກລອບຢູ່ເຂດລຽບຕາມຊາຍແດນລາວ-ຫວຽດນາມ,ເຂດຫ່າງໄກສອກຫລີກ ພູຜາສູງຊັນເສັ້ນທາງໄປມາ

ຍາກ ໂດຍສະເພາະໄລຍະລະດູຝົນ ຈຶ່ງເຮັດໃຫ້ການກວດກາລາດຕະເວນຂອງເຈົ້າໜ້າທີ່ຂອງລັດ ເຄື່ອນໄຫວລາດຕະເວນສະກັດກັ້ນ ການລັກລອບພົບຄວາມຫຍຸ້ງຍາກ, ເວລາເຈົ້າໜ້າທີ່ໄປກວດກາກໍຢຸດເຊົາ, ແຕ່ເວລາເຈົ້າໜ້າທີ່ບໍ່ລົງກວດກາກໍກັບເຂົ້າໄປລັກລອບອີກ ຊຶ່ງບັນຫາດັ່ງກ່າ, ເຮັດໃຫ້ສິ້ນເປືອງງົບປະມານຂອງລັດຢ່າງຫລວງຫລາຍ,

ແຕ່ເຖິງຢ່າງໃດກໍຕາມຂະແໜງພະລັງງານ ແລະ ບໍ່ແຮ່ ຂອງແຂວງ ກໍໄດ້ເອົາໃຈໃສ່ເຄື່ອນໄຫວຕາມສິດ, ພາລະບົດບາດ,ຕາມທິດຊີ້ນໍາຂອງຂັ້ນເທິງ ທັງສາຍຕັ້ງ ແລະ ສາຍຂວາງຢ່າງເປັນເຈົ້າການ.

ທ່ານ ວິທະຍາ ຍັງໃຫ້ຮູ້ຕື່ມວ່າ: ໄລຍະ 9 ເດືອນປີ 2022 ການຈັດຕັ້ງປະຕິບັດວຽກຄຸ້ມຄອງ ແລະ ພັດທະນາດ້ານທໍລະນີສາດ ແລະ ບໍ່ແຮ່ ພາຍໃນແຂວງອັດຕະປື ໄດ້ມີການຄຸ້ມຄອງຢ່າງເປັນລະ ບົບ ໂດຍສະເພາະບັນດາໂຄງການ ແລະ ກິດຈະການ ທີ່ໄດ້ເຄື່ອນໄຫວຊອກຄົ້ນ-ສໍາຫລວດຄື: ໂຄງ ການຊອກຄົ້ນ-ສຳຫລວກແຮ່ທາດພາຍໃນ

ແຂວງທີ່ຂັ້ນສູນກາງອະນຸຍາດ ມີ 10 ບໍລິສັດ, ມີ 15 ກິດຈະ ການ, ໃນນີ້ຢູ່ໃນຂັ້ນຕອນຊອກຄົ້ນແຮ່ທາດ 2 ກິດຈະການ, ສຳຫລວດແຮ່ທາດ 12 ກິດຈະການ ແລະ ຢູ່ໃນຂັ້ນຕອນບົດວິພາກເສດຖະກິດ-ເຕັກນິກ 1 ກິດຈະການ ໃນເນື້ອທີ່ທັງໝົດ 2.766 ກວ່າກິໂລຕາແມັດ; ໂຄງການສຶກສາ-ເກັບກຳຂໍ້ມູນ ແລະ ສຳຫລວດທ່າແຮງແຫລ່ງ

ແຮ່ ທີ່ໄດ້ເຊັນ MOU ກັບອົງການປົກຄອງແຂວງ ມີ 2 ໂຄງການ; ໂຄງການສຶກສາ-ເກັບກຳຂໍ້ມູນ ແລະ ສຳຫລວດທ່າແຮງແຫລ່ງຫີນປາໂກດິດ ເມືອງພູວົງ ມີເນື້ອທີ່ 10 ກິໂລຕາແມັດ, ບໍລິສັດໄດ້ສຳເລັດຜ່ານບົດລາຍງານຜົນການສຳຫລວດ ແລະ ໄດ້ສະເໜີເນື້ອທີ່ 4 ເຮັກຕາ ເພື່ອຂໍຂຸດຄົ້ນ, ສ່ວນເນື້ອທີ່ຍັງເຫລືອ 996 ເຮັກຕາແມ່ນຮັກສາ

ໄວ້ ເພື່ອສຳຫລວດລະອຽດ, ສ່ວນບັນດາໂຄງການ ແລະ ກິດຈະການ ທີ່ໄດ້ເຄື່ອນໄຫວຂຸດຄົ້ນ ແລະ ປຸງແຕ່ງ ມີຄື: ຂັ້ນສູນກາງອອກອະນຸຍາດ 6 ບໍລິສັດ, ມີ 6 ກິດຈະການ, ແຮ່ທາດອອກອະນຸຍາດມີ: ແຮ່ຄຳ, ແຮ່ຊືນ-ແຮ່ເງິນ ແລະ ຫີນປາໂກໄດ, ຂັ້ນແຂວງອອກອະນຸຍາດ 6 ບໍລິສັດ 6 ກິດຈະການ,ແຮ່ທາດອະໂລຫະສຳລັບການ

ກໍ່ສ້າງ, ຫີນຊາຍ, ຫີນຣີໂອລິດ, ຫີນດີໂອໄຣ ແລະ ຫີນບາຊານ, ຂັ້ນເມືອງອອກອະນຸຍາດມີ 14 ບໍລິສັດ, ມີ 14 ກິດຈະການ, ແຮ່ທາດທີ່ອອກອະນຸຍາດມີ: ດິນໜຽວຜະລິດດິນຈີ່ 11 ກິດຈະການ ແລະ ນ້ຳບາດານ 3 ກິດຈະການ.

ຂ່າວ: ວັດທະນາ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.