ວັນທີ 16 ພະຈິກ 2022 ນີ້, ເຈົ້າໜ້າທີ່ກວດກາການຄ້າ ຂະແໜງການຄ້າພາຍໃນ ພະແນກອຸດສາຫະກໍາ ແລະ ການຄ້າແຂວງຈໍາປາສັກ ຮ່ວມກັບ ເຈົ້າໜ້າທີ່ພະແນກຕໍາ
ຫລວດເສດຖະກິດ ປກສ ແຂວງ ພ້ອມໜ່ວຍງານກ່ຽວຂ້ອງໄດ້ທໍາລາຍສິນຄ້າເສື່ອມຄຸນນະພາບ, ບໍ່ໄດ້ມາດຕະຖານ, ປອມແປງ, ລອກລຽນແບບ ແລະ ລະເມີດເຄື່ອງໝາຍການຄ້າ ຂອງບໍລິສັດທລີລິກີ ແອນ ກິບບິນສ໌ ລາວຈໍາກັດ ຍີ່ຫໍ້ ຄູບູຕ້າ (KUBOTA).
ເພື່ອແນໃສ່ປົກປ້ອງຜູ້ດຳເນີນທຸລະກິດທີ່ຖືກຕ້ອງຕາມລະບຽບກົດໝາຍ ແລະ ເປັນການປົກປ້ອງຜູ້ຊົມໃຊ້, ຜູ້ບໍລິໂພກໃນສັງຄົມໃຫ້ໄດ້ຊົມໃຊ້ສິນຄ້າທີ່ຖືກຕ້ອງ ແລະ ມີຄຸນນະພາບດີ.
ພິທີດັ່ງກ່າວໄດ້ຈັດຂຶ້ນຢູ່ສະໜາມກໍາຈັດຂີ້ເຫຍື້ອ ຫລັກ 17 ເມືອງຊະນະສົມບູນ ໂດຍການເຂົ້າຮ່ວມຂອງ ທ່ານ ພູວຽງ ພົງສາ ຫົວໜ້າການຄ້າພາຍໃນ ກະຊວງອຸດສາຫະກໍາ
ແລະ ການຄ້າ, ທ່ານ ຄໍາແດງ ພົມມາພັກດີ ຮອງຫົວໜ້າພະແນກອຸດສາຫະກໍາ ແລະ ການຄ້າແຂວງ, ທ່ານ ພັນໂທ ບຸນຍູ້ ແກ້ວພິດາວົງ ຮອງພະແນກຕໍາຫລວດເສດຖະກິດ ກອງບັນຊາການ ປກສ ແຂວງ.
