ຊາຍ 23 ປີ ເຊື່ອງຢ າ ບ ້ າໄວ້ແຄມປ່າ ແລ້ວຫຼົບໜີ ຖືກຕາມຈັບມາດຳເນີນຄະດີ

0
43

ທ້າວ ແມັດທິວ ອາຍຸ 23 ປີ ຢູ່ບ້ານຫ້ວຍໝໍ້ ເມືອງວັງວຽງ ແຂວງວຽງຈັນ ເປົ້າໝາຍຢາເສບຕິດ ໄດ້ຊຸກເຊື່ອງຢາບ້າ ຈຳນວນ 15.086 ເມັດ ໄວ້ປ່າແຄມທ່ານໍ້າ ເຂດບ້ານທ່າເຮືອ ເມືອງວັງວຽງ ແລ້ວຫຼົບໜີໄດ້ 5 ເດືອນ. ມາຮອດວັນທີ 2 ພະຈິກ 2022, ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງວັງວຽງ ໄດ້ຕິດຕາມຈັບຜູ້ກ່ຽວ ມາດຳເນີນຄະດີຕາມກົດໝາຍ.

ເຈົ້າໜ້າທີ່ ປກສ ເມືອງວັງວຽງ ເປີດເຜີຍວ່າ: ໃນວັນທີ 5 ມິຖຸນາ 2022, ເວລາປະມານ 8:30 ໂມງ, ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງວັງວຽງ ແຂວງວຽງຈັນ ໄດ້ຮັບລາຍງານຈາກ ປກສ ກຸ່ມບ້ານທ່າເຮືອ ວ່າ: ມີປະຊາຊົນພົບເຫັນຢາບ້າຢູ່ໃນກະເປົາສີເທົາ ຊຸກເຊື່ອງໄວ້ຢູ່ປ່າແຄມນໍ້າ ເຂດບ້ານທ່າເຮືອ ເມືອງວັງວຽງ.

ຈາກນັ້ນ, ເຈົ້າໜ້າທີ່ ຈຶ່ງໄດ້ລົງກວດກາ ພົບຢາບ້າ ຈຳນວນ 3 ແພັກ ເທົ່າກັບ 9 ມັດ ນັບຕົວຈິງ ມີຢາບ້າທັງໝົດ 15.086 ເມັດ. ຫຼັງຈາກນັ້ນ, ເຈົ້າໜ້າທີ່ວິຊາສະເພາະ ກໍໄດ້ຕິດຕາມກວດກາຂຶ້ນບັນຊີເປົ້າໝາຍສືບຄົ້ນຫາ ຈົນສາມາດສືບຮູ້ເປົ້າໝາຍຢາເສບຕິດດັ່ງກ່າວໄດ້ ຊື່ ທ້າວ ແມັດທິວ ອາຍຸ 23 ປີ ຢູ່ບ້ານຫ້ວຍໝໍ້ ເມືອງວັງ

ວຽງ ແຂວງວຽງຈັນ. ແຕ່ຜູ້ກ່ຽວໄດ້ເອົາຕົວຫຼົບໜີ. ຜ່ານການຕິດຕາມຈັບຕົວ, ມາຮອດ ວັນທີ 2 ພະຈິກ 2022 ກໍສາມາດຈັບຕົວຜູ້ກ່ຽວມາດຳເນີນການສອບສວນໄດ້.
ທ້າວ ແມັດທິວ ຮັບສາລະພາບວ່າ: ຢາບ້າຈຳນວນ 15.086 ເມັດ ຢູ່ໃນກະເປົາສີເທົາ ທີ່ເຈົ້າໜ້າທີ່ພົບເຫັນຢູ່ປ່າແຄມທ່ານ້ຳ ເຂດບ້ານທ່າເຮືອ ແມ່ນຂອງຜູ້ກ່ຽວແທ້ ແລະ

ໄດ້ເຄື່ອນໄຫວເສບຢາບ້າ ມາແຕ່ ປີ 2018, ເສບຄັ້ງລະ 1-5 ເມັດ; ມາຮອດວັນທີ 24 ພຶດສະພາ 2022, ຜູ້ກ່ຽວໄປຫຼິ້ນການພະນັນ ຢູ່ເມືອງທຸລະຄົມ ແຂວງວຽງຈັນ, ຫຼິ້ນຈົນຮອດວັນທີ 1 ມິຖຸນາ 2022, ກໍໄດ້ຮູ້ ຈັກກັບຜູ້ຊາຍຄົນໜຶ່ງ ອາຍຸປະມານ 35 ປີ ທີ່ຫຼິ້ນການພະນັນຢູ່ໃນໂຕະດຽວກັນ. ໃນເວລານັ້ນ, ຊາຍຄົນດັ່ງກ່າວ ໄດ້ຖາມຂາຍ

ຢາບ້າ ຈຳນວນ 9 ມັດ (ມັດລະ 2.000 ເມັດ) ເທົ່າກັບ 10 ຖົງ ໃນລາຄາ 45.000 ບາດ ແລະ ຜູ້ກ່ຽວ ກໍໄດ້ຊື້ຢາບ້າຈຳນວນດັ່ງກ່າວ, ແຕ່ບໍ່ໄດ້ນັບເບິ່ງຢາຕົວຈິງວ່າ ມີຢາບ້າຈຳນວນເທົ່າໃດແທ້. ພາຍຫຼັງທີ່ໄດ້ຢາບ້າແລ້ວ, ກໍໄດ້ຈ້າງລົດກັບມາບ້ານຫ້ວຍໝໍ້ ເມືອງວັງວຽງ, ແລ້ວໄດ້ເອົາຢາບ້າໄປຊຸກ ເຊື່ອງ ໄວ້ໃນຫ້ອງນອນ.

ມາຮອດວັນທີ 4 ມິຖຸນາ 2022, ເວລາປະມານ 23:00 ໂມງ, ຜູ້ກ່ຽວກໍເອົາຢາບ້າດັ່ງກ່າວ ແລະ ຂີ່ລົດຈັກອອກໄປບ້ານທ່າເຮືອ ເມືອງວັງວຽງ; ໃນເວລານັ້ນ, ຜູ້ກ່ຽວຄິດວ່າ ມີເຈົ້າໜ້າທີ່ ປກສ ຕິດຕາມ ຈຶ່ງຊຸກເຊື່ອງຢາບ້າໄວ້ປ່າແຄມທ່ານ້ຳ ແລ້ວຂີ່ລົດຫຼົບໜີໄປເມືອງທຸລະຄົມ ແຂວງວຽງຈັນ ແລະ ກໍຖືກເຈົ້າໜ້າທີ່ຈັບຕົວໄດ້ໃນເວລາຕໍ່ມາ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.