ຊຽງຂວາງ ມີສະບຽງອາຫານພຽງພໍ ຮອງຮັບງານກິລາ ຊຽງຂວາງເກມ 2022

0
73

ຂປລ.ງານມະຫະກຳກິລາແຫ່ງຊາດ ຄັ້ງທີ XI(ຊຽງຂວາງເກມ 2022) ທີ່ຈະຈັດຂຶ້ນໃນວັນທີ 13-22 ທັນວາ 2022 ທີ່ຈະມາເຖິງນີ້, ແຂວງຊຽງຂວາງ ໄດ້ມີຄວາມພ້ອມຮອບດ້ານ ໂດຍສະເພາະດ້ານສະບຽງອາຫານ ເປັນຕົ້ນ ເຂົ້າ, ໝາກໄມ້, ພືດ-ຜັກ ທັນຍາຫານ ແລະ ຜົນຜະລິດພາຍໃນແຂວງ ແມ່ນມີພຽງພໍກັບຄວາມຕ້ອງການ ເພື່ອ

ຮອງຮັບ ມວນຊົນ ກໍຄື ທັບນັກກິລາຂອງບັນດາແຂວງ ແລະ ແຂກທັງພາຍໃນ ແລະ ຕ່າງປະເທດ ທີ່ຈະເຂົ້າມາ.

ທ່ານ ກົງທະນູ ອຸ່ນສະຫວັນ ເຈົ້າເມືອງ ເມືອງແປກ ແຂວງຊຽງຂວາງ ໃຫ້ສຳພາດຕໍ່ສື່ມວນຊົນ ເມື່ອບໍ່ດົນມານີ້ວ່າ: ມາຮອດປັດຈຸບັນ ແຂວງຊຽງຂວາງ ໄດ້ມີຄວາມພ້ອມຈັດງານກິລາ ຊຽງຂວາງເກມ 100%; ພ້ອມດຽວກັນນັ້ນ, ກໍໄດ້ກະກຽມດ້ານສະບຽງອາຫານ ເພື່ອຕອບສະໜອງພຽງພໍກັບຄວາມຕ້ອງການບໍລິໂພກ ເປັນຕົ້ນ ຊີ້ນ, ປາ, ໄຂ່

ເຊິ່ງທົ່ວແຂວງ ມີຟາມໄກ່ໄຂ່ 5 ຟາມ, ສາມາດຜ ລິດໄຂ່ໄດ້ 1.660.000 ກວ່າໜ່ວຍ, ຟາມໄກ່ຊີ້ນ 5 ຟາມ, ມີໄກ່ 20.000 ໂຕ ແລະ ຕ້ອງນຳເຂົ້າຕື່ມ 16.000 ໂຕ, ຟາມປາ 12 ຟາມ, ຜະລິດໄດ້ 10.400 ໂຕນ, ຕ້ອງໄດ້ນຳເຂົ້າຕື່ມ 8.320 ໂຕນ, ຟາມງົວ, ຄວາຍ ມີ 10 ຟາມ, (ຄວາຍ 1 ລ້ານ ກິໂລກຣາມ/ປີ, ງົວ 6.110.000 ກິໂລກຣາມ/ປີ), ຟາມໝູ 4 ຟາມ, ມີໝູ 1.800 ໂຕ, ຕ້ອງໄດ້ນຳເຂົ້າຕື່ມປະມານ 900 ກວ່າໂຕ.

ນອກນັ້ນ, ຍັງມີອາຫານທີ່ຕ້ອງໄດ້ນຳເຂົ້າຈາກພາຍນອກຕື່ມອີກ ເຊັ່ນ: ອາຫານທະເລ ແລະ ໝາກໄມ້ ອີກຈຳນວນໜຶ່ງ ໂດຍສະເພາະແມ່ນໝາກກ້ວຍ, ໝາກກ້ຽງ ສ່ວນໝາກໄມ້ຊະນິດອື່ນ ແມ່ນຍັງບໍ່ມີ ແລະ ບໍ່ທັນພຽງພໍກັບຄວາມຕ້ອງການຂອງຜູ້ບໍລິໂພກ ແຕ່ຢູ່ພາຍໃນແຂວງກໍມີພຽງໝາກໄມ້ພື້ນເມືອງ, ໝາກໄມ້ຕາມລະດູການ. ສະຫລຸບລວມແລ້ວ ຕ້ອງໄດ້ນຳເຂົ້າທັງອາຫານ ແລະ ໝາກໄມ້ ຈຳນວນໜຶ່ງ.
ຂ່າວ-ພາບ: ທະນູທອງ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.