ແຈ້ງປັບຂຶ້ນລາຄາໂດຍສານສາຍທາງນະຄອນຫລວງ-ຫລັກ20 ເມືອງຄຳເກີດ

0
68

ວັນທີ 23 ພະຈິກ 2022 ນີ້, ພະແນກໂຍທາທິການ ແລະ ຂົນສົ່ງ ນະຄອນຫລວງວຽງຈັນ ໄດ້ອອກແຈ້ງການເຫັນດີໃຫ້ປັບປຸງລາຄາຄ່າຂົນສົ່ງ ຜູ້ໂດຍສານສາຍທາງ ນະຄອນຫລວງວຽງຈັນ-ຫລັກ 20 ເມືອງຄໍາເກີດ ແຂວງບໍລິຄໍາໄຊ-ນະຄອນຫລວງວຽງຈັນ ຈາກລາຄາເກົ່າ 130.000 ກີບ ປັບມາເປັນ 150.000 ກີບ. ເນື່ອງຈາກວ່າ

ຜ່ານການຈັດຕັ້ງປະຕິບັດຕາມແຈ້ງການຂອງຫ້ອງການກະຊວງ ຍທຂ ສະບັບເລກທີ 24669/ຫກ ຍັງບໍ່ທັນເໝາະສົມ ແລະ ສອດຄ່ອງກັບສະພາບຕົວຈິງ ເພາະສາຍທາງດັ່ງກ່າວເປັນເສັ້ນທາງຫ່າງໄກ ແລະ ເປັນເສັ້ນທາງທີ່ຄົດລ້ຽວພູສູງຊັນ ມີອັດຕາການສິ້ນເປືອງຫລາຍ.

ດັ່ງນັ້ນຈຶ່ງມອບໃຫ້ສະມາຄົມໂດຍສານສາຍໃຕ້ ນະຄອນຫລວງວຽງຈັນ ແລະ ສະມາຄົມລົດໂດຍສານ ຫລັກ 20 ແຂວງບໍລິຄໍາໄຊ ຈັດຕັ້ງປະຕິບັດນັບແຕ່ມື້ລົງລາຍເຊັນເປັນຕົ້ນໄປ ພ້ອມທັງລາຍງານໃຫ້ຂະແໜງຂົນສົ່ງ ພະແນກ ຍທຂ ນະຄອນຫລວງວຽງຈັນຢ່າງເປັນປົກກະຕິ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.