ຫຼາຍຄົນຍັງບໍ່ຄາຍຄວາມສົງໄສ ຈາກຂົນສົ່ງຢ າ ເ ສ ບ ຕ ິ ດຈາກລາວໄປໄທ ແຕ່ຜູ້ກະທຳຜິດສາລະພາບວ່າ ເຮັດເອງທັງໝົດ ບໍ່ກົງກັບຄຳໃຫ້ການໃນເບື້ອງຕົ້ນທີ່ບອກໄວ້ວ່າເປັນຂອງໄຮໂຊສາວລາວທ່ານໜຶ່ງ

0
103

ຈາກກໍລະນີທີ່ເຈົ້າໜ້າທີ່ດ່ານສາກົນໜອງຄາຍ ປະເທດໄທ ຢຶດຢາເສບຕິດ ປະເພດຢາບ້າເກືອບ 4 ລ້ານເມັດ, ຢາອີ 5.000 ເມັດ ແລະ ຢາໄອສ໌ 10 ກິໂລກຣາມ ທີ່ຊຸກເຊື່ອງໃນລົດບັນທຸກນໍ້າມັນເຊື້ອໄຟຜ່ານດ່ານສາກົນຂົວມິດຕະພາບລາວ-ໄທແຫ່ງທີ 1 ໃນວັນທີ 23 ພະຈິກ 2022 ຜ່ານມາ.

ຊຶ່ງຫລ້າສຸດ ວັນທີ 28 ພະຈິກ 2022 ນີ້ ເຈົ້າໜ້າທີ່ຕຳຫຼວດໄທ ໄດ້ທຳການສືບສວນ-ສອບສວນເພີ່ມຕື່ມ ໂດຍໂຊເຟີຄົນດັ່ງ ກ່າວໄດ້ຮັບສາລະພາບວ່າ: “ຕົນເອງເປັນຜູ້ກະທຳຜິດເຮັດເອງທັງໝົດ ເພາະມີໝູ່ແນະນຳ ແລະ ຊັກຊວນໃຫ້ເຮັດ ຊຶ່ງໝູ່ຄົນດັ່ງກ່າວໄດ້ຖືກຈັບດົນແລ້ວ ຕອນນີ້ຢູ່ຄຸກ”. ນອກນີ້ຍັງມີຂໍ້ມູນອີກວ່າ: ທ້າວ ປະສິດ ປັນ

ພູມ ສັນຊາດໄທ ມີເມຍ ເປັນຄົນລາວ ແລະ ເມຍເປັນຜູ້ປະ ສານງານໃນການລັກລອບຂົນສົ່ງຢາເສບຕິດ, ກ່ອນຈະຂົນສົ່ງຢາເສບຕິດໄດ້ຖອດ GPS ອອກເພື່ອປົກປິດເສັ້ນທາງການຂົນສົ່ງຢາ. ການຂົນສົ່ງຢາເສບຕິດເຮັດມາແຕ່ປີ 2014 ເປັນຕົ້ນມາ(8 ປີ)ເລີ່ມຈາກການຂົນສົ່ງກັນຊາ ແລະ ຢາບ້າຜ່ານເສັ້ນທາງອີ ສານໃຕ້, ມຸກດາຫານ

ແລະ ໜອງຄາຍໂດຍນຳໃຊ້ວິທີການສະໝັກຂັບລົດຂົນສົ່ງສິນຄ້າເຂົ້າມາສປປ ລາວ ກັບບໍລິສັດຂົນສົ່ງຕ່າງໆ.ຈາກຂໍ້ມູນການລາຍງານຂອງເຈົ້າໜ້າທີ່ດັ່ງກ່າວ.
ຜູ້ຕິດຕາມຈຳນວນຫລາຍ ໄດ້ຕັ້ງຂໍ້ສັງເກດ ແລະ ຍັງບໍ່ຄາຍຄວາມສົງໄສ ອາດມີພິລຸດ ຫລືບໍ່ ຊຶ່ງຈະແຍກເປັນແຕ່ລະປະເດັນດັ່ງນີ້:

1. ຄຳສາລະພາບຜູ້ຖືຈັບ ຄັ້ງທຳອິດ ກັບ ຄັ້ງຫລ້າສຸດ ບໍ່ກົງກັນ ທັງທີ່ຄັ້ງທຳອິດສາລະພາບວ່າ “ໄດ້ຮັບເງິນຈ້າງ 5 ໝື່ນບາດຈາກຍິງສາວຄົນໜຶ່ງຢູ່ລາວທີ່ຮູ້ຈັກກັນ” ແຕ່ຄັ້ງທີ 2 ສາລະພາບວ່າ “ຕົນເອງເປັນຜູ້ກະທຳຜິດ ເພາະມີໝູ່ແນະນຳ ແລະ ຊັກຊວນໃຫ້ເຮັດ. ນອກນີ້ ຜູ້ກ່ຽວມີເມຍເປັນຄົນລາວ ແລະ ເມຍເປັນຜູ້ປະສານງານໃນການລັກລອບຂົນສົ່ງຢາເສບຕິດ” ຊຶ່ງເຫັນໄດ້ວ່າການສາລະພາບໄປຄົນລະທາງແບບຫັກລຳ ຫລື ເວົ້າແບບແມນໆວ່າຍອມຮັບຜິດພຽງຄົນດຽວ.

2. ກໍລະນີຜູ້ກ່ຽວມີເມຍເປັນຄົນລາວ ຫາກມີຄວາມຈິງ ການສືບຫາບໍ່ແມ່ນເລື່ອງຍາກ ເພາະການສືບຫາຊື່, ທີ່ຢູ່ ກໍຖືວ່າຈົບ ແຕ່ຖ້າການສາລະພາບນັ້ນເປັນການຂີ້ຕົວະ ບໍ່ມີມູນຄວາມຈິງຕໍ່ເຈົ້າໜ້າທີ່, ຜູ້ກ່ຽວກໍເຮັດໄປເພື່ອປົກປິດ ເປັນຍິງສາວທີ່ຖືກເອີ່ຍເຖິງ ໃນຄຳສາລະພາບເບື້ອງຕົ້ນ ແລະ ອາດຕີຄວາມໄດ້ວ່າ ຄຳສາລະ ພາບເບື້ອງຕົ້ນນັ້ນເປັນຄວາມຈິງ ງານນີ້ຈະເຮັດໃຫ້ເຈົ້າໜ້າທີ່ປວດຫົວຢ່າງໜັກ.

3. ໃນຄຳສາລະພາບຄັ້ງທີ 2 ຜູ້ກ່ຽວວ່າ ຖືກໝູ່ຊັກຊວນໃຫ້ເຮັດ ແຕ່ຕອນນີ້ໝູ່ຄົນດັ່ງກ່າວຖືກຈັບ ຍັງຂັງຢູ່ໃນຄຸກ ມີຄຳຖາມຂຶ້ນມາວ່າ “ເປັນຫຍັງ ຜູ້ກ່ຽວຄືລອຍນວນໄດ້ ແລະ ບໍ່ຖືກໝູ່ຄົນດັ່ງກ່າວຊັດທອດມາເຖິງຂະບວນການໃດໆເລີຍ”.

4. ຜູ້ກ່ຽວເຂົ້າຂະບວນການຂົນສົ່ງຢາເສບຕິດມາແຕ່ປີ 2014 ນັບມາຮອດປີ 2022 ໄດ້ 8 ປີຫາກໍມາຖືກ ຈັບ ເປັນຂໍ້ສົງໄສວ່າລອດມາໄດ້ແນວໃດ ແລະ ສິ່ງທີ່ຜິດສັງເກດທີ່ສຸດກໍຄືການຂົນຢາເສບຕິດຜ່ານດ່ານສາກົນໂດຍບໍ່ຖືກກວດຢຶດ.

5. ຜູ້ຂົນສົ່ງຢາ ໄດ້ຖອດ GPS ອອກ ກໍເປັນກໍລະນີສົງໄສຕື່ມວ່າ: ບໍລິສັດບໍ່ໄດ້ຕິດຕາມກວດກາເສັ້ນທາງການເຄື່ອນໄຫວຂອງພະນັກງານຂັບລົດເປັນປະຈຳບໍ, ບໍ່ຜິດສັງເກດບໍວ່າເສັ້ນທາງການເຄື່ອນຍ້າຍສິນຄ້າຫາຍໄປຈາກການຄວບຄຸມ ແລະ ບໍ່ໄດ້ກວດອຸປະກອນຄວາມປອດໄພເປັນໄລຍະບໍ ຫລື ແນວໃດ ເລື່ອງນີ້ຈະກາຍເປັນບົດຮຽນອັນໃຫຍ່ຫລວງໃຫ້ຫລາຍບໍລິສັດໄດ້ຫັນມາເອົາໃຈໃສ່ພະນັກງານ ແລະ ພາຫະນະຂອງຕົນຂຶ້ນຕື່ມ.

ຈາກ 5 ຂໍ້ສັງເກດທີ່ກ່າວມາ ຟັງແລ້ວບໍ່ຂຶ້ນພໍປານໃດຍັງສັບສົນວົກໄປວົນມາ ບໍ່ຈະແຈ້ງ ຊຶ່ງຍັງຕ້ອງຕິດ ຕາມຕອນຕໍ່ໄປວ່າມີຄວາມຄືບໜ້າຄືແນວໃດ ?ຫາກມີຂໍ້ມູນລາຍລະອຽດທີມງານຂ່າວໜັງສືພິມລາວພັດທະນາຈະລາຍງານໃຫ້ຮັບຊາບຕື່ມ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.