9 ຂໍ້ຫ້າມສຳລັບຕຳຫລວດຈະລາຈອນ ໃນຄຳສັ່ງເລກທີ 27/ປກສ ລົງວັນທີ 21 ກັນຍາ 2022

0
79

ວັນທີ 6 ທັນວາ 2022, ຢູ່ທີຫ້ອງປະຊຸມໃຫຍ່ຫ້ອງຕຳຫລວດ ປກສ ນວ ພະແນກຕຳຫຼວດຈະລາຈອນ ໄດ້ຈັດພິທີເຜີຍແຜ່ ຄຳສັ່ງເລກທີ 27/ປກສ ລົງວັນທີ 21 ກັນຍາ 2022 ວ່າດ້ວຍການຕັ້ງຈຸດ ແລະ ປ້ອມກວດກາການສັນຈອນຕາມເສັ້ນທາງຫລວງ. ມີທ່ານ ພັອ ກົງສີ ສຸວັນນະຕຸ້ມ ຫົວໜ້າກົມຕຳຫຼວດຈະລາຈອນ ກົມໃຫຍ່ຕຳຫລວດ

ກະຊວງ ປກສ ເປັນປະທານ, ມີຮອງຫົວໜ້າຫ້ອງຕຳຫລວດ, ຫົວໜ້າພະແນກ-ຮອງຫົວໜ້າພະແນກ, ຫົວໜ້າກອງ-ຮອງກອງຕຳຫລວດຈະລາຈອນ 9 ຕົວເມືອງເຂົ້າຮ່ວມ.

ທ່ານ ພັທ ແກ້ວມາລາ ແສງທອງ ຮອງຫົວໜ້າກົມຕຳຫລວດຈະລາຈອນ ໄດ້ຂຶ້ນຜ່ານເອກະສານ ຄຳສັ່ງເລກທີ 27/ປກສ ລົງວັນທີ 21 ກັນຍາ 2022 ວ່າດ້ວຍການຕັ້ງຈຸດ ແລະ ປ້ອມກວດກາການສັນຈອນຕາມເສັ້ນທາງຫລວງ ເຊິ່ງໄດ້ໃຫ້ຮູ້ເຖິງຫລັກການ, ສິດ ແລະ ໜ້າທີ່ ຂອງເຈົ້າໜ້າທີ່ຕຳຫລວດຈະລາຈອນ ໃນເວລາລົງຕັ້ງຈຸດ ແລະ ປ້ອມ

ກວດກາການສັນຈອນຕາມເສັ້ນທາງຫລວງ ແລະ ຍັງໄດ້ຍົກໃຫ້ເຫັນບາງຂໍ້ຫ້າມທີ່ສຳຄັນ ທີ່ເຈົ້າໜ້າທີ່ຕຳຫລວດຈະລາຈອນ ຈະຕ້ອງເອົາໃຈໃສ່ໃນເວລາປະຕິບັດໜ້າທີ່ຄື:
ຫ້າມຕັ້ງຈຸດກວດກາຍານພາຫະນະຕາມເສັ້ນທາງຫລວງທີ່ບໍ່ໄດ້ຮັບການຕົກລົງຈາກຂັ້ນເທິງຢ່າງເດັດຂາດ.

ຫ້າມຕັ້ງຈຸດກວດກາ ຢູ່ເສັ້ນທາງແຄບ ແລະ ລົດບໍ່ສາມາດສວນທາງກັນໄດ້ເຊິ່ງຈະເຮັດໃຫ້ລົດແອອັດ.ຫ້າມປະຈວຍ, ປ້າຍ ຫລື ເຄື່ອງໝາຍ ໄວ້ຈຸດກວດກາ ແລະ ປ້ອມ ເມື່ອຢຸດເຊົາການເຮັດໜ້າທີ່.

ຫ້າມກວດກາເອກະສານເຄື່ອນຍ້າຍສິນຄ້າ ແລະ ສິນຄ້າ ຍົກເວັ້ນກໍລະນີມີການແຈ້ງຂ່າວ, ການປະສານສົມທົບຈາກພາກສ່ວນທີ່ກ່ຽວຂ້ອງ.ຫ້າມປັບໃໝເກີນອັດຕາທີ່ໄດ້ກຳນົດຕາມ ດໍາລັດວ່າດ້ວຍການປັບໃໝ ແລະ ມາດຕະການອື່ນ ຕໍ່ຜູ້ລະເມີດກົດໝາຍ ແລະ ລະບຽບການ ກ່ຽວກັບການຈະລາຈອນທາງບົກ ສະບັບເລກທີ 568/ລບ ແລະ ບໍ່ມີບິນ

ຮັບເງິນ ກ1 ຢ່າງເດັດຂາດ.ຫ້າມປັບໃໝຜູ້ຂັບຂີ່ທີ່ລະເມີດດໍາລັດວ່າດ້ວຍກົດຈະລາຈອນທາງບົກ ໃນເວລາຕັ້ງຈຸດກວດກາ ໂດຍອີງໃສ່ປະມວນ ກົດໝາຍອາຍາຢ່າງເດັດຂາດ.
ໃຫ້ປະຕິບັດໜ້າທີ່ບໍລິການດ້ວຍມາລະຍາດທີ່ດີເປັນທີ່ເພີ່ງຂອງສັງຄົມ.

ຫ້າມສວຍໃຊ້ສິດ, ໜ້າທີ່ ເພື່ອຫາຜົນປະໂຫຍດສ່ວນຕົວ ຫລື ພັກພວກຢ່າງເດັດຂາດ.ຫ້າມມີພຶດຕິກຳອື່ນ ທີ່ເປັນການລະເມີດກົດໝາຍ ແລະ ລະບຽບການ ທີ່ກຳນົດໄວ້ຢ່າງເດັດຂາດ.

ພັອ ກົງສີ ສຸວັນນະຕຸ້ມ ຫົວໜ້າກົມຕຳຫລວດຈະລາຈອນ ກົມໃຫຍ່ຕຳຫລວດ ກະຊວງ ປກສ ໄດ້ໃຫ້ກຽດໂອ້ລົມ ໂດຍບາງຕອນທ່ານໄດ້ກ່າວວ່າ: ຄະນະພັກ-ຄະນະບັນຊາ ຕ້ອງເພີ່ມທະວີການສຶກສາອົບຮົມການເມືອງແນວຄິດໃຫ້ນາຍ ແລະ ພົນຕຳຫລວດຢ່າງສະໝຳ່ສະເໝີ, ປັບປຸງຂອດການປະສານງານໃຫ້ມີຄວາມສະດວກວ່ອງໄວ; ເພີ່ມທະວີ

ແກ້ໄຂຈຸດສັບສົນແອອັດຂອງຍານພາຫະນະຕາມສາມແຍກສີ່ແຍກ; ການປະຕິບັດໜ້າທີ່ຕ້ອງມີແບບແຜນ, ມີການລາຍງານ ແລະ ປະຕິບັດໜ້າທີ່ດ້ວຍຄວາມຮັບຜິດຊອບສູງ; ເວລາລົງປະຕິບັດໜ້າທີ່ຕົວຈິງຕ້ອງໃຫ້ການບໍລິການດ້ວຍໄມຕີຈິດມິດຕະພາບ, ແຕ່ງກາຍໃຫ້ຖຶກຕ້ອງຕາມລະບຽບ ແລະ ມີມາລະຍາດຮຽບຮ້ອຍດີ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.