ຄວາມຄືບໜ້າ ຈາກອຸບັດຕິເຫດລົດກະບະຕົກຂົວຢູ່ອຸດົມໄຊໃນວັນທີ 7 ທັນວາ

0
163

ຈາກເຫດການລົດກະບະວີໂກ້ສີປອນເງິນເລກທະບຽນຫຼວງນ້ຳທາ 9789 ທີ່ເດີນທາງມາຈາກເມືອງບຸນໃຕ້ ແຂວງຜົ້ງສາລີ ເກີດເສຍຫຼັກຕົກລົງຂົວວັງອີງ ເມືອງຫຼາ ແຂວງອຸດົມໄຊ ໃນເວລາ 12:53 ນາທີຂອງວັນທີ 7 ທັນວາ 2022 ເຊີ່ງເປັນວັງທີ່ເລິກ.

ຕາມຂໍ້ມູນຈາກເຈົ້າໜ້າທີ່ໃຫ້ຮູ້ວ່າຢູ່ໃນລົດຄັນດັ່ງກ່າວມີທັງໜົດ 4 ຄົນໃນນັ້ນເປັນຊາຍ 2 ຄົນ,ຍິງ 2 ຄົນ, ສາມຄົນຢູ່ບ້ານໝູຕື່ນນ້ອຍ ເມືອງບຸນໄຕ້ ແຂວງຜົ້ງສາລີ ແລະ ອີກ 1 ຄົນແມ່ນຢູ່ບ້ານໝູຕື່ນ ເມືອງນາໜໍ້ ແຂວງອຸດົມໄຊ.

ປັດຈຸບັນເຈົ້າໜ້າທີ່ກູ້ໄພອົງການກາແດງແຂວງອຸດົມໄຊສົມທົບກັບປະຊາຊົນເມືອງຫຼາໄດ້ດຳລົງນ້ຳເລິກກວ່າ 11ແມັດ ແມ່ນພົບເຫັນລົດ ແລະ ຄົນຍັງຢູ່ຈຸດທີ່ຕົກລົງໄປແລະຄາດວ່າທັງ 4 ຄົນແມ່ນເສຍຊີວິດແລ້ວ ເນື່ອງຈາກເປັນວັງເລິກ, ຂາດອຸປະກອນຈຶ່ງເຮັດໃຫ້ບໍ່ສາມາດກູ້ຂື້ນມາໄດ້.

ປະຈຸບັນທີມຄົ້ນຫາທາງນໍ້າມາຈາກນະຄອນຫຼວງວຽງຈັນພ້ອມອຸປະກອນໄດ້ເດີນທາງໄປຮອດຈຸດເກີດເຫດແລ້ວ ແລະກຳລັງລົງກູ້ຜູ້ປະສົບອຸບັດຕິເຫດອອກຈາກລົດກ່ອນຈະນຳໃຊ້ລົດເຄນຍົກລົດຄັນດັ່ງກ່າວຂຶ້ນມາ.

ລ່າສຸດ: ຍົກລົດຂຶ້ນຈາກນໍ້າໄດ້ແລ້ວເວລາ 16:16 ວັນທີ 8.12.2022 ເຫດລົດກະບະຕົກ ຂົວວັງອີງ ເມືອງຫຼາ ແຂວງອຸດົມໄຊ ເສຍຊີວິດ 4 ຄົນ ( ຍິງ 2 ຊາຍ 2) ເຫດເກີດເວລາ ປະມານ 12:54 ວັນທີ 7 ທັນວາ 2022 ຂໍສະແດງຄວາມເສຍໃຈນຳຄອບຄົວຜູ້ເສຍຊີວິດດ້ວຍ


ຄວາມຄືບໜ້າ ຈາກອຸບັດຕິເຫດລົດກະບະຕົກຂົວຢູ່ອຸດົມໄຊໃນວັນທີ 7 ທັນວາ


ຄວາມຄືບໜ້າ ຈາກອຸບັດຕິເຫດລົດກະບະຕົກຂົວຢູ່ອຸດົມໄຊໃນວັນທີ 7 ທັນວາ


ຄວາມຄືບໜ້າ ຈາກອຸບັດຕິເຫດລົດກະບະຕົກຂົວຢູ່ອຸດົມໄຊໃນວັນທີ 7 ທັນວາ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.