ບານບ້ວງຊາຍນະຄອນຫຼວງວຽງຈັນຄ້ວາ ຫຼຽນຄຳ ເປັນສະໄໝທີ 3

0
36

ທັບນັກກິລາບານບ້ວງ ນະຄອນຫຼວງວຽງຈັນ ຄວ້າຫຼຽນຄຳ ເປັນສະໄໝທີ 3  ໃນການແຂ່ງຂັນບານບ້ວງຊາຍ ງານມະຫະກຳກິລາແຫ່ງຊາດ ຄັ້ງທີ 11 ຫຼື ຊຽງຂວາງ ເກມ.
ການແຂ່ງຂັນບານບ້ວງຊາຍ ຊຽງຂວາງ ເກມ ນັດຊີງອັນດັບທີ 3 ແລະ ຊີງຫຼຽນຄຳ ທັງທີມຍິງ ແລະ ທີມຊາຍ ໄດ້ມີຂຶ້ນໃນວັນທີ 7 ທັນວາ 2022 ພາຍຫຼັງດຳເນີນການ

ແຂ່ງຂັນມາແຕ່ວັນທີ 1 ທັນວາ ຜ່ານມາ ທີ່ສະໂມສອນກິລາໃນຮົ່ມຂອງແຂວງ ໃນເທດສະບານເມືອງແປກ. ການແຂ່ງຂັນກິລາ ບານບ້ວງຊາຍ ຊຽງຂວາງ ເກມ ມີການຊີງໄຊກັນທັງໝົດ 2 ຫຼຽນຄຳ, 2 ຫຼຽນເງິນ ແລະ 2​ ຫຼຽນທອງ. ສຳລັບທີມຊາຍ ມີ 5 ພາກສ່ວນເຂົ້າຮ່ວມ ປະກອບມີ: ກະຊວງສາທາລະນະສຸກ, ນະຄອນຫຼວງວຽງຈັນ,

ແຂວງຫຼວງພະບາງ, ແຂວງສະຫວັນນະເຂດ ແລະ ເຈົ້າພາບ ແຂວງຊຽງຂວາງ. ສ່ວນບານບ້ວງຍິງ ມີ 5 ພາກສ່ວນ ກະຊວງສາທາລະນະສຸກ, ນະຄອນຫຼວງວຽງຈັນ, ແຂວງຫຼວງພະບາງ, ຈຳປາສັກ ແລະ ເຈົ້າພາບ ແຂວງຊຽງຂວາງ. ການແຂ່ງຂັນຂອງທີມຊາຍ ແລະ ທີມຍິງແມ່ນຈັດຄືກັນ, ໂດຍຈັດເປັນກຸ່ມດຽວແຂ່ງຂັນພົບກັນໝົດ

ແລ້ວຄັດເລືອກເອົາ 4 ທີມທີ່ດີທີ່ສຸດ ເຂົ້າຮອບຮອງຊະນະເລີດ ໂດຍເອົາອັນດັບທີ 1 ພົບກັບ ອັນດັບທີ 4 ແລະ ອັນດັບທີ 2 ພົບກັບ ອັນດັບທີ 3 ໃນຮອບຮອງຊະນະເລີດ ເພື່ອຫາທີມທີ່ຊະນະ ຜ່ານເຂົ້າຊີງຫຼຽນຄຳ.

ຜົນການແຂ່ງຂັນໃນຮອບຊີງຊະນະເລີດປະກົດວ່າ: ທີມຊາຍ ນະຄອນຫຼວງວຽງຈັນ ສາມາດເອົາຊະນະ ແຂວງຫຼວງພະບາງ ດ້ວຍຄະແນນ 75-65, ຄວ້າຫຼຽນຄຳ ໄປຄອງ ໃນການແຂ່ງຂັນບານບ້ວງຊາຍ ຊຽງຂວາງ ເກມ,  ສ່ວນ ຫຼວງພະບາງ ໄດ້ພຽງຫຼຽນເງິນ ແລະ ຫຼຽນທອງຕົກເປັນຂອງ ແຂວງສະຫວັນນະເຂດ.​

ສຳລັບບານບ້ວງຍິງ ຄູ່ຊີງຊະນະເລີດ, ເຈົ້າພາບ ສ້າງຜົນງານເປັນຄັ້ງປະຫວັດສາດ  ຊະນະ ຫຼວງພະບາງ 69-60 ຄະແນນ ຄວ້າຫຼຽນຄຳ ໄປຄອງ, ສ່ວນ ຫຼວງພະບາງ ໄດ້ພຽງຫຼຽນເງິນ ແລະ ຫຼຽນທອງຕົກເປັນຂອງ ແຂວງຈຳປາສັກ.​

ຂໍ້ມູນ: ສຶກສາ-ກິລາລາຍວັນ, ໂຮງຮຽນລຽວໂຕວ໌

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.