ກະຊວງຊັບພະຍາກອນທຳມະຊາດ ລຶບລ້າງ-ຍົກເລີກໂຄງການເຊົ່າສຳປະທານດິນລັດ ແລະ ເອກະຊົນ ຫລາຍຮ້ອຍໂຄງການ

0
96

ໃນກອງປະຊຸມສະໄໝສາມັນ ເທື່ອ 4 ຂອງສະພາແຫ່ງຊາດ ຊຸດທີ IX ວັນທີ 7 ທັນວາ 2022, ທ່ານ ນາງ ບຸນຄຳ ວໍລະຈິດ ລັດຖະມົນຕີກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຊີ້ແຈງຕໍ່ຄຳຊັກຖາມຂອງບັນດາສະມາຊິກສະພາແຫ່ງຊາດ ກ່ຽວກັບໂຄງການສຳປະທານທີ່ດິນວ່າ: ຕໍ່ກັບການສຳປະທານໂຄງການທີ່ດິນ

ທາງກະຊວງຊັບພະຍາກອນທຳມະຊາດ ແລະ ສິງແວດລ້ອມ ໄດ້ລຶບລ້າງໂຄງການເຊົ່າສຳປະທານດິນລັດທີ່ບໍ່ມີຕົວຕົນ 74 ໂຄງການ ໃນເນື້ອທີ່ 26.064 ເຮັກຕາ.
ລຶບຊື່ໂຄງການຈາກການເຊົ່າສຳປະທານດິນລັດ 110 ໂຄງການ, ຍົກເລີກໂຄງການທີ່ບໍ່ເຄື່ອນໄຫວໝົດອາຍຸ 170 ໂຄງການ ມີເນື້ອທີ່ 79.997 ເຮັກຕາ, ຍົກເລີກໂຄງການທີ່

ບໍ່ແມ່ນການເຊົ່າສຳປະທານທີ່ດິນຂອງລັດ 13 ໂຄງການ, ມີເນື້ອທີ່ 311 ເຮັກຕາ, ເຊິ່ງໃນຖານຂໍ້ມູນຈຳນວນໜຶ່ງ ເວລາກວດຄືນແມ່ນດິນຂອງບຸກຄົນ ທີ່ບໍ່ແມ່ນດິນລັດ ສະນັ້ນຈຶ່ງຍົກເລີກອອກຈາກກັນ, ໂຄງການມີຂໍ້ຂັດແຍ່ງ 3 ໂຄງການ ເນື້ອທີ່ 82 ເຮັກຕາ, ໂຄງການກຳລັງສືບຕໍ່, ກວດກາຄືນ ທາງດ້ານນິຕິກຳ, ການປະຕິບັດພັນທະດ້ານ

ສິ່ງແວດລ້ອມ 66 ໂຄງການ ເນື້ອທີ່ 22.000 ເຮັກຕາ, ໂດຍໂຄງການຈຳນວນນີ້ແມ່ນໄດ້ດຳເນີນເປັນໂຄງການທີ່ໄດ້ດຳເນີນໄປມີຜົນດີ ແຕ່ເອກະສານບໍ່ຄົບ ບໍ່ໄດ້ດຳເນີນຕາມຂັ້ນຕອນລະບຽບການ ແລະ ປັດຈຸບັນກຳລັງຄົ້ນຄວ້າຍົກເລີກການໂອນເນື້ອທີ່ດິນລັດ ມາເປັນດິນບຸກຄົນ 2 ໂຄງການ ມີເນື້ອທີ່ 86,9 ເຮັກຕາ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.