ນາຍົກ ຊີ້ແຈງຄຳຊັກຖາມຂອງ ສສຊ ເພີ່ມຕື່ມຕໍ່ວຽກງານລັດຖະບານ ໂດຍສະເພາະດ້ານເສດຖະກິດ-ການເງິນ

0
109

ໃນວາລະການດຳເນີນກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ IX ວັນທີ 9 ທັນວາ 2022, ທ່ານ ພັນຄໍາ ວິພາວັນ ນາຍົກລັດຖະມົນຕີ ໄດ້ມີຄໍາເຫັນສັງລວມ ແລະ ຊີ້ແຈງຄຳຊັກຖາມຂອງສະມາຊິກສະພາແຫ່ງຊາດເພີ່ມຕື່ມຕໍ່ວຽກງານລັດຖະບານເພື່ອໃຫ້ຄວາມກະຈ່າງແຈ້ງ ຕໍ່ບັນຫາທີ່ບັນດາສະມາຊິກສະພາແຫ່ງຊາດໃຫ້ຄວາມ

ສົນໃຈເປັນຕົ້ນມາດຕະການຂອງລັດຖະບານ ຕໍ່ກັບການແກ້ໄຂລາຄາແຮ່ເຫລັກໃນຕະຫລາດໂລກໃນປັດຈຸບັນແມ່ນຫລຸດລົງຫລາຍ ເມື່ອທຽບໃສ່ໄລຍະຕົ້ນຂອງການອະນຸຍາດ

ຂຸດຄົ້ນແຮ່ທາດແບບເຮັດທົດລອງເນື່ອງຈາກປັດໄຈພາຍໃນ ແລະ ພາຍນອກຈຶ່ງເຮັດໃຫ້ການສົ່ງອອກແຮ່ເຫລັກພົບຄວາມຫຍຸ້ງຍາກ ແລະ ບໍ່ສາມາດສົ່ງອອກບັນລຸຕາມແຜນການທີ່ວາງໄວ້.

ໂຄງການຂຸດຄົ້ນແຮ່ເຫລັກແບບທົດລອງເປັນໂຄງການທີ່ລັດຖະບານຈັດຕັ້ງປະຕິບັດຕາມເນື້ອໃນຈິດໃຈຂອງວາລະແຫ່ງຊາດວ່າດ້ວຍການແກ້ໄຂບັນຫາຫຍຸ້ງຍາກດ້ານເສດຖະກິດ-ການເງິນ. ດັ່ງທີ່ພວກເຮົາຮັບຮູ້ນຳກັນແລ້ວວ່າ ປະເທດເຮົາພົບຄວາມຫຍຸ້ງຍາກດ້ານເສດຖະກິດ-ການເງິນ ຢ່າງໜັກໜ່ວງສົມຄວນ ໂດຍສະເພາະໄລຍະການແຜ່ລະບາດພະ

ຍາດໂຄວິດ-19 ການຈັດເກັບລາຍຮັບບໍ່ໄດ້ຕາມແຜນກຳນົດໄວ້ ແລະ ມີພັນທະຕ້ອງໄດ້ຊຳລະໜີ້ສິນເງິນກູ້ຈາກຕ່າງປະເທດ, ດັ່ງນັ້ນລັດຖະບານໄດ້ຊອກທຸກວິທີທາງເພື່ອສ້າງຖານລາຍຮັບນຳມາແກ້ໄຂບັນຫາທີ່ຈຳເປັນ ຮີບດ່ວນຂອງຊາດ ໂດຍເບື້ອງຕົ້ນໄດ້ທົດລອງແຮ່ເຫລັກ, ຕໍ່ມາເຫັນວ່າມີເງື່ອນໄຂສະດວກຈຶ່ງຂະຫຍາຍທົດລອງແຮ່ທາດ-ແຮ່ຄຳ,

ເຊິ່ງທັງໝົດໂຄງການເຮັດທົດລອງໂຄງການດັ່ງກ່າວແມ່ນມີນິຕິກຳຂອງລັດຖະບານຮັບຮອງຢ່າງຄົບຖ້ວນ ແລະ ຜ່ານການຈັດຕັ້ງປະຕິບັດສາມາດຈັດເກັບລາຍຮັບໄດ້ລະດັບໜຶ່ງເຖິງວ່າຈະມີສິ່ງທ້າທາຍຫລາຍປະການເຮັດໃຫ້ບໍ່ສາມາດບັນລຸຕາມຄາດໝາຍ ແຕ່ກໍສາມາດເກັບລາຍຮັບໄດ້ໃນລະດັບທີ່ແນ່ນອນ, ຮອດເດືອນທັນວາ 2022 ລັດຖະບານສາມາດ

ປະຄັບປະຄອງ ບໍ່ໃຫ້ປະເທດຕົກເຂົ້າສູ່ວິກິດທີ່ບໍ່ສາມາດຊໍາລະໜີ້ສິນ ແລະ ສາມາດຈັດສັນງົບປະມານ ເພື່ອຊໍາລະໜີ້ສິນຂອງຕ່າງປະເທດໄດ້ຕາມກໍານົດເວລາ ເພື່ອແກ້ໄຂບັນຫາສະພາບລາຄາແຮ່ເຫລັກທີ່ຫລຸດລົງ ເຮັດໃຫ້ການສົ່ງອອກບໍ່ໄດ້ຕາມແຜນ ລັດຖະບານໄດ້ຊີ້ນໍາກະຊວງພະລັງງານ ແລະ ບໍ່ແຮ່, ກະຊວງກ່ຽວຂ້ອງ ແລະ ອົງການປົກຄອງ

ທ້ອງຖິ່ນ ຄົ້ນຄ້ວາຊອກທຸກວິທີແກ້ໄຂບັນຫາດັ່ງກ່າວ ທັງຊຸກຍູ້ຕິດຕາມ ແລະ ທົບທວນພັນທະແບບມອບເໝົາການທົດລອງຂຸດຄົ້ນແຮ່ເຫລັກຄືນໃໝ່ໃຫ້ເໝາະສົມກັບສະພາບການຊື້-ຂາຍໃນທ້ອງຕະຫລາດ.

ໃນກໍລະນີລາຄາແຮ່ເຫລັກໃນຕະຫລາດສາກົນສືບຕໍ່ຫລຸດລົງ ຕໍ່າກວ່າ 50 ໂດລາສະຫະລັດຕໍ່ໂຕນ ຄ້າຍຄືກັບທ້າຍປີ 2015-2016, ລັດຖະບານ ເຫັນວ່າຄວນຢຸດການສົ່ງອອກແຮ່ເຫລັກເພື່ອຮັກສາໄວ້ສະໜອງໃຫ້ໂຮງງານຫລອມເຫລັກ ຕາມນະໂຍບາຍສົ່ງເສີມຂອງລັດຖະບານເຊິ່ງກະຊວງກ່ຽວຂ້ອງກໍາລັງສຶກສາຄວາມເປັນໄປໄດ້ ໃນການດຶງດູດນັກລົງທຶນ

ທັງພາຍໃນ ແລະ ຕ່າງປະເທດມາລົງທຶນ. ພ້ອມນີ້, ລັດຖະບານຈະສືບຕໍ່ປັບປຸງ ແລະ ແກ້ໄຂບັນຫາທີ່ເກີດຂຶ້ນ ແລະ ປັດຈຸບັນ ໄດ້ໂຈະການພິຈາລະນາອະນຸມັດໂຄງການໃໝ່ ເພື່ອໃຫ້ຂະແໜງການກ່ຽວຂ້ອງປະເມີນຜົນການຈັດຕັ້ງປະຕິບັດໄລຍະຜ່ານມາ ເພື່ອປັບປຸງໃຫ້ມີປະສິດທິຜົນ.

ຕໍ່ກັບບັນຫາການບູລະນະສ້ອມແປງເສັ້ນທາງທ້ອງຖິ່ນ, ເສັ້ນທາງຫລວງແຫ່ງຊາດ ໂດຍສະເພາະເສັ້ນທາງທີ່ເປ່ເພຍ້ອນການກໍ່ສ້າງເສັ້ນທາງລົດໄຟ ລາວ-ຈີນ, ທາງດ່ວນ ແລະ

ການຂຸດຄົ້ນແຮ່ທາດ ທີ່ບໍ່ໄດ້ມາດຕະຖານ ເປ່ເພໄວ ແລະ ຊັກຊ້ານັ້ນ, ລັດຖະບານຈະສືບຕໍ່ຊີ້ນໍາຂະແໜງການກ່ຽວຂ້ອງປັບປຸງຂັ້ນຂອດ ແລະ ກົນໄກຈັດຕັ້ງປະຕິບັດໂດຍສະເພາະຂະບວນການສ້າງແຜນ, ການສະໜອງງົບປະມານໃຫ້ໄວຂຶ້ນຖືກຕາມກົດໝາຍ ແລະ ລະບຽບການທີ່ກໍານົດໄວ້.

ສໍາລັບການຊຸກຍູ້ສົ່ງເສີມການພັດທະນາເສດຖະກິດດີຈີຕອນ, ລັດຖະບານ ໄດ້ສ້າງແຜນຍຸດທະສາດພັດທະນາເສດຖະກິດດີຈີຕອນທີ່ໄດ້ກໍານົດ 8 ແຜນຍຸດທະ ສາດຮອດປີ 2030: ການພັດທະນານິຕິກໍາກ່ຽວກັບເສດຖະກິດດີຈີຕອນ, ການພັດທະນາພື້ນຖານໂຄງລ່າງຂອງເສດຖະກິດດີຈີຕອນ, ການພັດທະນາລະບົບ, ການພັດທະນາ

ຊັບພະຍາກອນມະນຸດ, ການພັດທະນາຜະລິດຕະພັນ ແລະ ການບໍລິການ, ການພັດທະນາຄວາມປອດໄພທາງດ້ານເຕັກໂນໂລຊີ, ການນໍາໃຊ້ເຕັກໂນໂລຊີດີຈີຕອນໃນທົ່ວສັງຄົມ, ລວມທັງການຮ່ວມມື ແລະ ເຊື່ອມໂຍງກັບສາ ກົນ ພ້ອມທັງໄດ້ກໍານົດ 14 ແຜນງານ ທີ່ຈະຕ້ອງຈັດຕັ້ງປະ ຕິບັດ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.