ທັບນັກກິລາ ປກຊ ຄວ້າແຊ້ມຫຼຽນຄຳ ປະເພດກິລາ ປັນຈັກສີລັດ ທີ່ຊຽງຂວາງເກມ

0
69

ທັບນັກກິລາ ປັນຈັກສີລັດ ຈາກກະຊວງປ້ອງກັນປະເທດ (ປກຊ) ສ້າງຜົນງານໄດ້ຢ່າງໂດດເດັ່ນ ຍາດໄດ້ 5 ຫຼຽນຄຳ ຄອງຕຳແໜ່ງເຈົ້າຫຼຽນຄຳປະເພດກິລາ ປັນຈັກສີລັດ ທີ່ງານມະຫະກຳກິລາແຫ່ງຊາດຄັ້ງທີ 11 ນີ້.

ການແຂ່ງຂັນປັນຈັກສີລັດ ຊຽງຊວາງ ເກມ ໄດ້ເລີ່ມແຂ່ງຂັນລະຫວ່າງວັນທີ 8-12 ທັນວາ 2022 ທີ່ສະໂມສອນກິລາໂຮງຮຽນພອນສະຫວັນ ເມືອງແປກ ແຂວງຊຽງຂວາງ ຊຶ່ງ ລາຍການດັ່ງກ່າວ ມີນັກກິລາຈຳນວນ 96 ຄົນ ມາຈາກ ກະຊວງປ້ອງກັນປະເທດ, ນະຄອນຫຼວງວງວຽງຈັນ, ເຈົ້າພາບ ແຂວງຊຽງຂວາງ, ແຂວງສາລະວັນ, ກະຊວງ

ປ້ອງກັນຄວາມສະຫງົບ, ກະຊວງພະລັງງານ ແລະ ບໍ່ແຮ່, ແຂວງສະຫວັນນະເຂດ, ແຂວງວຽງຈັນ ແລະ ແຂວງຄຳມ່ວນ, ຊີງກັນທັງໝົດ 20 ຫຼຽນຄໍາ, 20 ຫຼຽນເງິນ ແລະ 32 ຫຼຽນທອງ ລວມທັງໝົດ 72 ຫຼຽນ, ໃນນັ້ນ ປະເພດຟ້ອນມີການຊີງໄຊ 6 ຫຼຽນຄຳ ແລະ ປະເພດຕໍ່ສູ້ 14 ຫຼຽນຄຳ.ສະຫຼຸບຫຼຽນລາງວັນ ກິລາປັນຈັກສີລັດ ຊຽງຂວາງ ເກມ ມີດັ່ງນີ້:

ອັນດັບທີ 1 ປກຊ ໄດ້ 5 ຫຼຽນຄຳ, 3 ຫຼຽນເງິນ 8 ຫຼຽນທອງ; ອັນດັບທີ 2 ແຂວງຊຽງຂວາງ ໄດ້ 4 ຫຼຽນຄຳ, 2 ຫຼຽນເງິນ 9 ຫຼຽນທອງ; ອັນດັບ 3 ນະຄອນຫຼວງວຽງຈັນ ໄດ້ 2 ຫຼຽນຄຳ, 5 ຫຼຽນເງິນ 3 ຫຼຽນທອງ; ອັນດັບທີ 4 ແຂວງສະຫວັນນະເຂດ ໄດ້ 2 ຫຼຽນຄຳ, 5 ຫຼຽນເງິນ 3 ຫຼຽນທອງ; ອັນດັບທີ 5 ມີ 2 ພາກສ່ວນໄດ້

ຮ່ວມກັນຄື: ກະຊວງປ້ອງກັນຄວາມສະຫງົບ ແລະ ແຂວງຄຳມ່ວນ ແມ່ນໄດ້ພາກສ່ວນລະ 2 ຫຼຽນຄຳ, 2 ຫຼຽນເງິນ 2 ຫຼຽນທອງ; ອັນດັບທີ 6 ກະຊວງພະລັງງານ ແລະ ບໍ່ແຮ່ ໄດ້ 1 ຫຼຽນຄຳ, 3 ຫຼຽນເງິນ 1 ຫຼຽນທອງ; ອັນດັບທີ 7 ແຂວງສາລະວັນ ໄດ້ 1 ຫຼຽນຄຳ, 1 ຫຼຽນເງິນ 1 ຫຼຽນທອງ ແລະ ອັນດັບທີ 8 ແຂວງວຽງຈັນ ໄດ້ 1 ຫຼຽນຄຳ ແລະ 3 ຫຼຽນທອງ.

ຂໍ້ມູນ: ໜັງສືພິມສຶກສາ-ກິລາລາຍວັນ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.