ຢ່າພາກັນລະເລີຍເດີ້ ​ເຊື້ອ​​ພະ​ຍາດ​ໂ ຄ ວ ິ ດ ເລີ່ມ​ແຜ່​ລະ​ບາດ​ອີກແລ້ວຮອບ​ໃໝ່

0
94

ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຍັງບໍ່ໝົດໄປ ຈາກສັງຄົມເຮົາເທື່ອ ແລະ ມັນຍັງສາມາດເຮັດໃຫ້ເຮົາເຈັບປ່ວຍຮຸນແຮງໄດ້ ແລະ ຈະ​ເຮັດ​ໃຫ້​ເກີດ​ການ ແຜ່​ລະ​ບາດ ​ຮອບ​ໃໝ່​ໄດ້ ຊຶ່ງເຫັນ​ໄດ້​ວ່າໄລຍະ​ຫຼາຍວັນມານີ້ ການຕິດ​ເຊື້ອສືບຕໍ່ມີຈຳນວນເພີ່ມ​ຂື້ນ ​ເປັນ​ສອງ​ຕົວ​ເລກ ແລະ ຫຼາຍແຂວງ  ກໍ່ມີ​ຜູ້​ຕິດ​ເຊື້ອ​ຈາກ​ພະ​ຍາດ​ໂຄວິດ-19 ອີກ​ຄັ້ງ,

ໃນ​ໄລ​ຍະ​ງານ​ມະ​ຫາ​ກຳ​ກິ​ລາ​ແຫ່ງ​ຊາດ ແມ່ນຢາກໃຫ້​ເອົາ​ໃຈ​ໃສ່​ປະ​ຕິບັດ ​ມາດ​ຕະ​ການ ​ປ້ອງ​ກັນ​ພະ​ຍາດ​ດັ່ງ​ກ່າວ ໃສ່ຜ້າອັດປາກ-ດັງ, ອັດປາກ-ດັງ ເວລາໄອ ແລະ ຈາມ, ລ້າງມືໃສ່ສະບູ ຫຼື ເຈວແອວກໍຮໍ ເປັນປະຈຳ, ພະຍາຍາມຮັກສາໄລຍະຫ່າງຈາກຄົນອື່ນປະມານ 1 ແມັດ.

ໃນວັນທີ 15 ທັນ​ວາ 2022 ນີ້ ໄດ້​ກວດພົບ​ຜູ້​ຕິດ​ເຊື້ອ​ພະຍາດ ໂຄວິດ-19 ເພີ່ມ​ໃໝ່ເຖິງ 43 ຄົນ ​​ຊຶ່ງຈຳ​ນວນ​ຜູ້ຕິດເຊື້ອ​ເພີ່ມ​ໃໝ່​ແມ່ນ​ຕິດ​ເຊື້ອພາຍໃນທັງໝົດ  ຢູ່ນະຄອນຫຼວງວຽງຈັນ 9 ຄົນ, ແຂວງ ອຸ​ດົມ​ໄຊ 7 ຄົນ, ແຂວງ ຫຼວງ​ພະ​ບາງ 7 ຄົນ, ແຂວງ ຫົວ​ພັນ 2 ຄົນ, ແຂວງ ຫຼວງ​ນ້ຳ​ທາ 1 ຄົນ, ແຂວງ ວຽງ​ຈັນ 3 ຄົນ,

ແຂວງ ບໍ​ລິ​ຄຳ​ໄຊ 1 ຄົນ, ແຂວງ ຄຳ​ມ່ວນ 1 ຄົນ, ແຂວງ ສະ​ຫວັນ​ນະ​ເຂດ 2 ຄົນ, ແຂວງ ຈຳ​ປາ​ສັກ 4 ຄົນ ແລະ ແຂວງ ​ອັດ​ຕະ​ປື 5 ຄົນ.ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 217.332 ຄົນ, ເສຍຊີວິດສະສົມ 665 ຄົນ.

ຂໍ້ມູນຈາກສູນຂ່າວສານການແພດສຸຂະສຶກສາ ກະຊວງສາທາລະນະສຸກ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.