ຖືເປັນຂ່າວດີຄູ່ຜົວ-ເມຍ ຢາກໄປເຮັດວຽກຢູ່ເກົາຫຼີ ໂອກາດມາຮອດແລ້ວ

0
171

ເປັນຂ່າວດີຂອງພໍ່ແມ່ປະຊາຊົນລາວ ໂດຍສະເພາະແມ່ນ ຊາວເມືອງຄຳແຂວງຊຽງຂວາງທີ່ຈະໄດ້ຮັບໂອກາດພິເສດໄປເຮັດວຽກຢູ່ ສ.ເກົາຫຼີ (ຕາມລະດູການ 3-5ເດືອນ) ທ່ານໃດຢູ່ໃນເກນ 25-50 ປີ ບໍມີລູກນ້ອຍຕ່ຳກວ່າ 2 ປີ, ບໍ່ມີລູກຄາທ້ອງ ແລະພະຍາດປະຈຳໂຕແມ່ນຮີບໄປສະໝັກໄດ້ເລີຍ.

ອີງຕາມ ບົດບັນທຶກຄວາມເຂົ້າໃຈວ່າດ້ວຍການຈັດສົ່ງແຮງງານລາວໄປເຮັດວຽກຕາມລະດູການ ຢູ່ ສ.ເກົາຫຼີ ລະຫວ່າງ ກົມການຈັດຫາງານ ແລະ ເມືອງ ຊັງຈອງ ສ.ເກົາຫຼີ; ຫ້ອງການ ກະຊວງແຮງງານ ແລະ ສະຫວັດດີການສັງຄົມ ຂໍຖືເປັນກຽດແຈ້ງມາຍັງທ່ານຊາບວ່າ: ເມືອງ ຊັງຈອງ, ສ. ເກົາຫຼີ ໄດ້ສະແດງເຈດຈໍານົງ ໃນການນໍາໃຊ້ແຮງງານ ເມືອງຄໍາ, ແຂວງ ຊຽງຂວາງ ຈໍານວນ 61 ຄົນ (ຍິງ 52 ຄົນ, ຊາຍ 7 ຄົນ ແລະ 1 ຄູ່ຜົວ-ເມຍ) ເພື່ອໄປເຮັດວຽກຕາມລະດູການ ຢູ່ເມືອງດັ່ງກ່າວ ໃນເດືອນມັງກອນ (ຈໍານວນ 33 ຄົນ ຍິງ 29 ຄົນ ) ເດືອນມີນາ (ຈໍານວນ 4 ຄົນ, ຍິງ 2 ຄົນ+1 ຄູ່ຜົວ-ເມຍ) ແລະ ເດືອນພຶດສະພາ ຂອງປີ 2023 (ຈໍານວນ 24 ຄົນ, ຍິງ 21 ຄົນ).

ສະນັ້ນ ເພື່ອເປັນການກະກຽມຄວາມພ້ອມ ແລະ ຮັບປະກັນໃຫ້ແກ່ການຄັດເລືອກແຮງງານທີ່ມີ ຄຸນະພາບ ແລະ ຖືກຕ້ອງຕາມຈຸດປະສົງຂອງນາຍຈ້າງ, ກົມການຈັດຫາງານ ພ້ອມດ້ວຍຄະນະ ຈະດໍາເນີນການຮັບສະຫມັກ ແລະ ຄັດເລືອກເອົາແຮງງານ ຢູ່ເມືອງຄໍ ຕາມກໍາຫນົດການດັ່ງນີ້:
– ວັນທີ 21/12/2022 ເວລາ 8:00ໂມງ – 16:00ໂມງ (ຫມົດມື້)
– ວັນທີ 22/12/2022 ເວລາ 8:00ໂມງ – 12:00ໂມງ (ເຄິ່ງມື້)


ສະນັ້ນ ເພື່ອເຮັດໃຫ້ຂະບວນການຮັບສະຫມັກ ແລະ ຄັດເລືອກເອົາແຮງງານ ມີຄວາມສະດວກ, ໂປ່ງໃສ ແລະ ຖືກຕ້ອງຕາມລະບຽບການທີ່ໄດ້ກໍານົດໄວ້, ຫ້ອງການ ກະຊວງ ຮສສ ຂໍແຈ້ງມາຍັງທ່ານ ເພື່ອແຈ້ງການຫາຫ້ອງການແຮງງານ ແລະສະຫວັດດີການສັງຄົມມືອງ ຄໍາ ເພື່ອແຈ້ງໃຫ້ແຮງງານຜູ້ທີ່ມີຄວາມສົນໃຈ ແລະ ເງື່ອນໄຂຄົບຖ້ວນຈາກບ້ານຕ່າງໆ ພາຍໃນເມືອງດັ່ງກ່າວ ເພື່ອ ເຂົ້າຮ່ວມການຄັດເລືອກໃນວັນເວລາທີ່ໄດ້ລະບຸໄວ້ຂ້າງເທິງນັ້ນ.

ສໍາລັບແບບຟອມການສະຫມັກ ກົມການຈັດຫາງານ ຈະ ກະກຽມໄປແຈກຈ່າຍໃນມື້ລົງທະບຽນ ແລະ ຂໍໃຫ້ພະແນກ ຮສສ ແຂວງ ຊຽງຂວາງ, ຫ້ອງການ ຮສສ ເມືອງຄໍາ ແລະ ການປົກຄອງຂັ້ນບ້ານ ໃຫ້ຄວາມຮ່ວມມືໃນການສະກັດກັ້ນບໍ່ໃຫ້ມີນາຍຫນ້າ ເຂົ້າມາມີສ່ວນຮ່ວມໃນຂະບວນການຄັດ ເລືອກແຮງງານຄັ້ງນີ້ຢ່າງເດັດຂາດ. ສໍາລັບ ຄ່າລົງທະບຽນ, ສະຫມັກ ແລະ ຄັດເລືອກ ແມ່ນຈະບໍ່ໄດ້ເສຍຄ່າໃຊ້ຈ່າຍ.

ສ່ວນເງື່ອນໄຂຕາມນີ້ເລີຍ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.