ຮູ້ຜົນແລ້ວ ສາວຊຽງຂວາງ ເກັບໄຊຊະນະນັດທີ 2 ຜ່ານເຂົ້າຮອບຊີງພົບ ນວ ບານເຕະຍິງຊຽງຂວາງເກມ

0
87

ທີມບານເຕະຍິງ ນະຄອນຫຼວງວຽງຈັນ ລົງສະໜາມນັດທີ 2 ສາມາດເອົາຊະນະ ຈໍາປາສັກ 2-0 ໃນການແຂ່ງຂັນກີລາບານເຕະຍິງ ໃນງານມະຫະກຳກີລາແຫ່ງຊາດ ຄັ້ງທີ 11 ຫຼື ຊຽງຂວາງເກມ ປະຈໍາວັນທີວັນທີ 16 ທັນວາ 2022 ຮອບຄັດເລືອກ ນັດທີ 2 ທີ່ສະໜາມໄຊຊະນະ ເມືອງແປກ ແຂວງຊຽງຂວາງ.

ທີມບານເຕະຍິງ ນະຄອນຫຼວງວຽງຈັນ ໄດ້ປະຕູຂຶ້ນນໍາ 1-0 ຈາກການຍິງຂອງ ອິນທິດາ ຄູນສີ ນາທີໆ 44, ສ່ວນເຄິ່ງເວລາທີ 2 ນະຄອນຫຼວງວຽງຈັນ ຍັງຄຸມເກມໄດ້ເໜືອກວ່າ ກ່ອນທີ່ໄລຍະທ້າຍເກມນາທີໆ 88 ຮຸ່ງ ໄຊສະຫວ່າງ ຈະມາຍິງປະຕູຕ໊ອກຢໍ້າໄຊຊະນະໃຫ້ກັບ ນະຄອນຫຼວງວຽງຈັນ ເອົາຊະນະ ຈໍາປາສັກ 2-0.

ຈາກຜົນດັ່ງກ່າວ ທີມບານເຕະສາວນະຄອນຫລວງວຽງຈັນ ແຊ້ມບານເຕະແຫ່ງຊາດ 2022 ເກັບເພີມເປັນ 6 ຄະແນນຜ່ານເຂົ້າຮອບຊີງຊະນະເລີດ ຫຼັງຈາກທີ່ນັດທໍາອິດເອົາຊະນະ ແຂວງຫຼວງພະບາງ ແບບຫວຸດວິດ 1-0, ສ່ວນ ຈໍາປາສັກ ເສຍ 2 ນັດລວດ.

ສໍາລັບ ການແຂ່ງຂັນບານເຕະຍິງ ໃນຊຽງຂວາງເກມ ມີພຽງ 4 ພາກສ່ວນເຂົ້າຮ່ວມຄື: ແຂວງຊຽງຂວາງ ເຈົ້າພາບ, ຫລວງພະບາງ, ນະຄອນຫຼວງວຽງຈັນ ແລະ ຈຳປາສັກ ໂດຍຮູບແບບການແຂ່ງຂັນພົບກັນໝົດ ແລ້ວຄັດເອົາທີມທີ່ມີຕິດອັນດັບ 1 ແລະ 2 ມາຊີງຫຼຽນຄຳ, ສ່ວນທີ 3 ໄດ້ຫຼຽນທອງໄປເລີຍ.

ສ່ວນຄູ່ທີ 2 ເຈົ້າພາບ ຊຽງຂວາງ ສ້າງຜົນງານຢ່າງໂດດເດັ່ນເອົາຊະນະ ຫຼວງພະບາງ 3-1 ເຮັດໃຫ້ ເຈົ້າພາບ ເກັບເພີ່ມເປັນ 6 ຄະແນນຜ່ານເຂົ້າຮອບຊີງຊະນະເລີດໄປພົບກັບ ນະຄອນຫຼວງວຽງຈັນ ທີ່ມີ 6 ຄະແນນເຊັ່ນເຖິງ ເຖິງວ່າຈະຍັງເຫຼືອ 1 ນັດໃນຮອບຄັດເລືອກ ແຕ່ຈະບໍ່ມີຜົນ ເນື່ອງຈາກມີພຽງ 4 ທີມແຂ່ງຂັນພົບກັນໝົດເອົາທີ 1 ແລະ ທີ 2 ເຂົ້າຊີງ, ສ່ວນ ທີມອັນດັບ 3 ຈະໄດ້ຫຼຽນທອງທັນທີ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.