ເຈົ້າໜ້າທີ່ ປກສ ເມືອງໄຊທານີ ຈັບເປົ້າໝາຍລັກລົດຈັກໄດ້ອີກ 6 ຄົນ

0
27

ໃນໄລຍະວັນທີ 21 ກໍລະກົດ- 19 ຕຸລາ 2022, ເຈົ້າໜ້າທີ່ ກອງບັນຊາການ ປກສ ເມືອງ ໄຊທານີ ນະຄອນຫຼວງວຽງຈັນ ແກ້ໄຂ ກຸ່ມແກ້ງລັກຊັບພົນລະເມືອງ (ລັກລົດຈັກ) ກັກຕົວເປົ້າ ໝາຍ 6 ຄົນ.

ພັທ ສຸລີວັນ ແກ້ວມະນີວົງ ຮອງຫົວໜ້າກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ: ພາຍຫຼັງໄດ້ຮັບແຈ້ງຈາກຜູ້ເສຍຫາຍ, ຈາກນັ້ນ ກອງບັນຊາການ ປກສ ເມືອງໄຊທານີ ໄດ້ຕິດຕາມເປົ້າໝາຍ ໂດຍສົມທົບກັບພາກສ່ວນທີ່ກ່ຽວຂ້ອງລົງແກ້ໄຂສາມາດ ເປົ້າໝາຍ 6 ຄົນ ຄື:

ທ້າວ ອານຸ ອາຍຸ 22 ປີ ປະຊາຊົນ ຢູ່ບ້ານ ຈັນສະຫວ່າງ ເມືອງສີໂຄດຕະບອງ, ທ້າວ ອານຸຄອນ ອາຍຸ 25 ປີ ປະຊາຊົນຢູ່ບ້ານ ຈັນສະຫວ່າງ ເມືອງສີໂຄດຕະບອງ,
ທ້າວ ນາມມະແກ້ວ ອາຍຸ 22 ປີ ປະຊາຊົນ ຢູ່ບ້ານໂພນໂຮງ ເມືອງ ວຽງຄໍາ ແຂວງ ວຽງຈັນ , ທ້າວ ກິໂນ້ ອາຍຸ 22 ປີ ປະຊາຊົນ ຢູ່ບ້ານນາຄູນນ້ອຍ ເມືອງນາຊາຍທອງ ນະຄອນຫຼວງວຽງຈັນ.

ທ້າວ ບ໋ອບບີ້ ອາຍຸ 19 ປີ ປະຊາຊົນ ຢູ່ບ້ານໜອງປາໃນ ເມືອງສີໂຄດຕະບອງ , ທ້າວ ຕ໋ອງ ອາຍຸ 22 ປີ ປະຊາຊົນ ຢູ່ບ້ານທ່າງ່ອນ ເມືອງໄຊທານີ ພ້ອມເກັບກູ້ຂອງກາງລົດຈັກຄືນມາໄດ້ 4 ຄັນ. ປັດຈຸບັນ ຄະດີດັ່ງກ່າວ ເຈົ້າໜ້າທີ່ພວມດໍາເນີນການສອບສວນ ເປີດກ້ວາງຂະຫຍາຍຜົນ ສືບຄົ້ນຫາ ຜູ້ຮ່ວມກະທໍາຜິດມາດໍາເນີນຄະດີ.

ແຫຼ່ງຂ່າວຈາກ ປ້ອງກັນຄວາມສະຫງົບນະຄອນຫຼວງວຽງຈັນ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.