ແຂວງຄໍາມ່ວນ ຄອງເຈົ້າຫລຽນຄໍາ ການແຂ່ງຂັນກິລາມວຍລາວ ຊຽງຂວາງເກມ

0
89

ການແຂ່ງຂັນກິລາມວຍລາວ ໃນງານມະຫະກໍາກິລາແຫ່ງຊາດ ຄັ້ງທີ 11 (ຊຽງຂວາງ ເກມ 2022) ອັດລົງດ້ວຍຜົນສໍາເລັດຢ່າງຈົບງານ ວັນທີ 20 ທັນວາ 2022 ພາຍຫລັງດໍາເນີນມາແຕ່ວັນທີ 16 ທັນວາ ເປັນຕົ້ນມາ ຢູ່ສະໜາມກິລາສວນມອນ ບ້ານໂງຍ ເມືອງແປກ ແຂວງຊຽງຂວາງ ໂດຍມີການຊີງໄຊ 18 ຫລຽນຄໍາ 18 ຫລຽນເງິນ 36 ຫຽນທອງ ມີນັກກີລາຈາກ 13 ພາກສ່ວນເຂົ້າຮ່ວມ ແບ່ງເປັນ 2 ເພດ ຄື: ປະເພດຕໍ່ສູ້ ແລະ ປະເພດຟ້ອນ.

ສໍາລັບມື້ປິດການແຂ່ງຂັນ ມີການຊີງຫລຽນຄໍາ 12 ຮຸ່ນ ຍິງ 3 ຮຸ່ນ ຊາຍ 9 ຮຸ່ນ ໃນນີ້ປະເພດຍິງ ຮຸ່ນ ນໍ້າໜັກ 48 ກິໂລ ໂຕເລັກ ສີສຸມານ ຈາກແຂວງເຊກອງ ຊະນະ ມຸກດາ ທໍາມະວົງ ຈາກແຂວງ ບໍລິຄໍາໄຊ ຮຸ່ນ 51 ກິໂລ ຄູນເຮືອນ ຄໍາຂຽວ ຈາກແຂວງສະຫວັນນະເຂດ ຊະນະ ພຸດທະສອນ ກຽດ ຕິສັກ ຈາກແຂວງຫລວງພະບາງ ຮຸ່ນ

54 ກິໂລ ສຸຕາລັດ ບູລີສະວົງ ຈາກນະຄອນຫລວງວຽງຈັນ ຊະນະ ໄພລິນ ແສງສຸວັນດີ ຈາກແຂວງສາລະວັນ ສ່ວນປະເພດຊາຍ ຮຸ່ນ 45 ກິໂລ ສີບູ່ ບັນຊາເດດ ຈາກ ແຂວງສາລະວັນ ຊະນະ ພັນທະ ສິງສະຫວັດ ຈາກແຂວງເຊກອງ ຮຸ່ນນໍ້າໜັກ 48 ກິໂລ ທອງລອນ ສະຫວັດດີ ຈາກແຂວງສະຫວັນນະເຂດ ເສຍໃຫ້ ສຸລິໄຊ ສິງສະຫວັດ

ຈາກກະຊວງ ປກສ ຮຸ່ນນໍ້າໜັກ 51 ກິໂລ ສົມບູນ ບັນຊາເດດ ຈາກແຂວງສາລະວັນ ຊະນະ ພອນຄໍາ ສົມຍົງ ຈາກແຂວງຄໍາມ່ວນ ຮຸ່ນນໍ້າ ໜັກ 54 ກິໂລ ຄໍາພາ ເທື່ອສະຫວ່າງ ຈາກແຂວງໄຊສົມບູນ ຊະນະ ຄໍາ ສີສັກ ຈາກແຂວງຈໍາປາສັກ ຮຸ່ນນໍ້າໜັກ 57 ກິໂລ ຫຸນພັນ ຄໍາມະຕິ ຈາກແຂວງຄໍາມ່ວນ ຊະນະ ເພັດຈໍາປາ ແກ້ວປະເສີດ

ຈາກ ແຂວງເຊກອງ ຮຸ່ນນໍ້າໜັກ 60 ກິໂລ ໄກ່ ເກດນຸວົງ ຈາກແຂວງຊຽງຂວາງ ຊະນະ ອັດຕະໄຊ ສີຫາບຸດ ຈາກແຂວງຈໍາປາສັກ ຮຸ່ນນໍ້າໜັກ 63,5 ກິໂລ ຄໍາພູ ສູນດາລາ ຈາກນະຄອນຫລວງວຽງຈັນ ຊະນະນ໋ອກ ສຸບິນ ບັນຊາເດດ ຈາກແຂວງສາລະວັນ ຮຸ່ນນໍ້າໜັກ 67 ກິໂລ ຄໍາເພື່ອນ ແສງຄໍາຢອງ ຈາກແຂວງຊຽງ ຂວາງ ເສຍໃຫ້

ບຸນມາ ບຸດດາລາ ຈາກແຂວງບໍລິຄໍາໄຊ ຮຸ່ນນໍ້າໜັກ 71 ກິໂລ ວຽງຄອນ ວິໄລສັກ ຈາກນະຄອນຫຼວງວຽງຈັນ ເສຍໃຫ້ ດໍາຂຸນພອນ ຂຽວສະຫວາດ ຈາກກະຊວງ ປກຊ.
ສະຫລຸບຫລຽນ ແຂວງຄໍາມ່ວນ ຄອງເຈົ້າຫລຽນຄໍາ ໂດຍຍາດໄດ້ 2 ຫລຽນຄໍາ 3 ຫລຽນເງິນ 5 ຫລຽນທອງ ລວມ 10 ຫລຽນ ອັນດັບ 2 ແຂວງຊຽງຂວາງ 2 ຫລຽນຄໍາ 3 ຫລຽນເງິນ 4 ຫລຽນທອງ ລວມ 9 ຫລຽນ ອັນດັບ 3 ແຂວງສາລະວັນ 2 ຄໍາ 2 ຫລຽນເງິນ ລວມ 4 ຫລຽນ.
ຂ່າວ: ສະບາໄພ
ຮູບ: ສີພອນ+ສຸກສະຫວັນ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.