ປກສ ແຂວງອຸດົມໄຊ ຢຶດຢາບ້າໄດ້ 1.790.000 ກວ່າເມັດ ໃນປີ 2022

0
57

ປກສ ແຂວງອຸດົມໄຊ ຢຶດຢາບ້າໄດ້ 1.790.000 ກວ່າເມັດ ໃນປີ 2022ໃນໄລຍະປີ 2022 ກອງບັນຊາການ ປກສ ແຂວງອຸດົມໄຊ ໄດ້ເອົາໃຈໃສ່ຈັດຕັ້ງປະຕິບັດວຽກງານປ້ອງກັນຄວາມສະຫງົບພາຍໃນແຂວງສໍາເລັດຫຼາຍດ້ານ ໂດຍສະເພາະການຈັດຕັ້ງວາລະແຫ່ງຊາດວ່າ ດ້ວຍການແກ້ໄຂບັນຫາຢາເສບຕິດ ສາມາດມ້າງຄະດີຢາເສບຕິດໄດ້ 237

ເລື່ອງ, ກັກຜູ້ຖືກຫາ 302 ຄົນ, ຍິງ 49 ຄົນ, ຢຶດຂອງກາງຢາເສບຕິດຫຼາຍລາຍການ; ໃນນີ້, ປະເພດຢາບ້າ 1.792.833 ເມັດ, ເຮໂຣອິນ 1,23 ກິໂລກຼາມ, ຢາໄອສ໌ 28,01 ກິໂລກຼາມ, ແປ້ງຝຸ່ນ 14,64 ກິໂລກຼາມ, ແປ້ງຝຸ່ນສີຂາວຢູ່ໃນປ່ອງ 500 ກຼາມ, ເຄື່ອງອັດຢາບ້າ 3 ເຄື່ອງ, ກາຈໍ້າເຄື່ອງໝາຍຢາບ້າ 7 ອັນ, ອາວຸດປືນ 14 ກະບອກ.

ຕົວເລກດັ່ງກ່າວ ໄດ້ຍົກໃຫ້ເຫັນໃນກອງປະຊຸມສະຫຼຸບວຽກງານປະຈໍາປີ 2022 ຂອງກອງບັນຊາການ ປກສ ແຂວງອຸດົມໄຊ ໃນທີ 26-27 ທັນວາ 2022 ໂດຍການເປັນປະທານຂອງ ພົຈວ ສີວອນ ໄຊຍະວົງ ຫົວໜ້າກອງບັນຊາການ ປກສ ແຂວງອຸດົມໄຊ, ມີຄະນະພັກ-ຄະນະກອງບັນຊາການ ປກສ ແຂວງ, ປກສ ເມືອງ ພ້ອມດ້ວຍພະນັກງານຫຼັກແຫຼ່ງຂັ້ນຕ່າງໆພາຍໃນກຳລັງເຂົ້າຮ່ວມ.

ໃນກອງປະຊຸມ ພັທ ດວງຈັນ ໄຊວຸດ ຮອງຫົວໜ້າກອງບັນຊາການ ປກສ ແຂວງອຸດົມໄຊ ໄດ້ຜ່ານບົດສະຫຼຸບ ໂດຍຍົກໃຫ້ເຫັນຜົນງານບາງດ້ານທີ່ພົ້ນເດັ່ນ ເປັນຕົ້ນການແກ້ໄຂບັນຫາຢາເສບຕິດພາຍໃນແຂວງ ສະແດງອອກປີ 2022 ກຳລັງປ້ອງກັນຄວາມສະຫງົບແຂວງອຸດົມໄຊ ສົມທົບກັບອົງການຈັດຕັ້ງຂັ້ນຕ່າງໆໄດ້ສຸມໃສ່ວຽກງານໂຄສະນາ

ແລະ ສຶກສາອົບຮົມເປົ້າໝາຍສໍາຄັນ ຕິດພັນກັບການຈັດຕັ້ງເຜີຍແຜ່, ເຊື່ອມຊຶມເອກະສານ, ກົດໝາຍ, ຜົນຮ້າຍ ໄພອັນຕະລາຍຂອງຢາເສບຕິດດ້ວຍຫຼາຍວິທີການ. ໃນນີ້, ສ້າງບົດບັນທຶກຢູ່ບັນດາຮາກຖານບ້ານໄດ້ 470 ບ້ານ, ມີ 54.434 ຄອບຄົວ, ບຸກຄົນເປົ້າໝາຍເສບ 6.572 ຄົນ, ຍິງ 222 ຄົນ, ຄົນເຂົ້າຮ່ວມທັງໝົດ

284.323 ຄົນ, ຍິງ 158.533 ຄົນຂອງພົນລະເມືອງທັງໝົດໃນທົ່ວແຂວງ; ຈັດພິມ, ປ້າຍໂພດສ໌ເຕີໂຄສະນາ, ປ້າຍຄໍາຂວັນ ແຈກຢາຍສໍາເລັດແລ້ວ 43 ປ້າຍ, ທົ່ວແຂວງອຸດົມໄຊມີບ້ານປອດຢາເສບຕິດ 233 ບ້ານ ແລະ ຍັງບໍ່ທັນຮັບຮອງ 237 ບ້ານ.

ນອກນີ້, ພາກສ່ວນຕິດຢາເສບຕິດເຂົ້າບໍາບັດ-ດັດສ້າງ ທັງໝົດ 1.188 ຄົນ, ຍິງ 61 ຄົນ. ໃນນີ້, ຍົກຍ້າຍໄປ ບໍາບັດ-ດັດສ້າງຢູ່ຕ່າງແຂວງ 46 ຄົນ, ຍິງ 1 ຄົນ, ຮອດກໍານົດປ່ອຍຕົວອອກ 503 ຄົນ, ຍິງ 43 ຄົນ ແລະ ພາກສ່ວນເລ່ລ່ອນ 88 ຄົນ, ຍິງ 5 ຄົນ,ຈັດສົ່ງກັບຄືນພູມລໍາເນົາ 45 ຄົນ, ຍິງ 2 ຄົນ; ປັດຈຸບັນມີໜ້າຕົວ

ຈິງ 728 ຄົນ, ຍິງ 18 ຄົນ, ເລ່ລ່ອນ 58 ຄົນ, ເກັບກໍາ ແລະ ທໍາລາຍພື້ນທີ່ມີການລັກລອບປູກຝິ່ນສໍາເລັດຢູ່ 5 ເມືອງ, ມີ 197 ຕອນ, ເນື້ອທີ່ 101,92 ເຮັກຕາ ແລະ ເປົ້າໝາຍພວມສຸມໃສ່ເກັບກໍາກວດກາອີກຈໍານວນໜຶ່ງ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.