ໄວລຸ້ນ 18 ຄົນ ສູບປູມເປົ້າຈົນເດິກສຸດທ້າຍຖືກເຈົ້າໜ້າທີ່ນຳຕົວມາສຶກສາອົບຮົມ

0
2051

ວັນທີ 2 ມັງກອນ 2023 ຜ່ານມາ, ປກສ ເມືອງປາກຊັນ ແຂວງບໍລິຄຳໄຊ ໄດ້ສຶກສາອົບຮົມກຸ່ມໄວໜຸ່ມມົ້ວສຸມສານເສບຕິດ ປະເພດປູມເປົ້າບາລູນ ຫລື ປູມເປົ້າອັດແກັສ 18 ຄົນ ຍິງ 1 ຄົນ.

ທ່ານ ພັທ ທອງຕຸ່ນ ວົງສົມສຸກ ຫົວໜ້າພະແນກຕຳຫລວດ ປກສ ເມືອງປາກຊັນ ໃຫ້ຮູ້ວ່າ: ໃນຄັ້ງວັນທີິ 1 ມັງກອນ 2023 ທາງເຈົ້າໜ້າທີ່ໜ່ວຍງານວິຊາສະເພາະ ສະກັດກັ້ນ ແລະ ຕ້ານຢາເສບຕິດ ປກສ ເມືອງປາກຊັນ ໄດ້ລົງປະຕິບັດມ້າງກຸ່ມມົ້ວສຸມຢາເສບຕິດ ທີ່ບ້ານມີໄຊ ເມືອງປາກຊັນ ແຂວງບໍລິຄຳໄຊ, ຜ່ານການກວດກາ ພົບເຫັນ

ແລະ ສາມາດກັກກຸ່ມມົ້ວສຸມເສບສານເສບຕິດໄດ້ 18 ຄົນ ຍິງ 1 ຄົນ ຈາກນັ້ນຈຶ່ງໄດ້ນຳຕົວພວກກ່ຽວມາທຳການສືບສວນ-ສອບສວນ.

ພວກກ່ຽວໄດ້ຮັບສາລະພາບວ່າ: ໄດ້ຊວນກັນອອກເງິນເພື່ອຮ່ວມກັນສັ່ງຊື້ປູມເປົ້າ ໃນລາຄາ 4,770,000 ກີບ ໂດຍອອກເງິນຄົນລະ 250,000 ກີບ ເຊິ່ງວັນທີ 25 ທັນວາ 2022 ໄດ້ສັ່ງຊື້ນຳພໍ່ຄ້າຢູ່ທາງແບ່ງຫລັກຊາວ ເມືອງປາກກະດິງ ແຂວງບໍລິຄຳໄຊ ເພື່ອຊື້ປູມເປົ້າຈຳນວນ 50 ໜ່ວຍ, ຖັງແກັສ ນ້ຳໜັກ 20 ກິໂລກຣາມ, ມາຮອດວັນທີ

31 ທັນວາ 2022 ພວກກ່ຽວໄດ້ຮ່ວມກັນເຄົ້າດາວເພື່ອສະເຫລີມສະຫລອງສົ່ງທ້າຍປີເກົ່າຕ້ອນຮັບປີໃໝ່ ພາກັນດື່ມສິ່ງມຶນເມົາ ສູບປູມເປົ້າຈົນເດິກ, ຮອດ ເວລາ 2:00 ໂມງ ຂອງວັນທີ 1 ມັງກອນ 2023 ເຈົ້າໜ້າທີ່ຈຶ່ງເຂົ້າກັກຕົວ ແລ້ວນຳມາສືບສວນສອບສວນ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.