ຈັບຄົນຮ້າຍລັກງັດເຮືອນປະຊາຊົນ ສາລະພາບເຄີຍກໍ່ເຫດມາແລ້ວ 2 ຄັ້ງ​ ເສຍຫາຍ​ຫຼາຍ​ 10​ ລ້ານ

0
48

ຕົ້ນເດືອນທັນວາ 2022, ເຈົ້າໜ້າທີ່ຕໍາຫຼວດ ປກສ ເມືອງວຽງທອງ ແຂວງບໍລິຄໍາໄຊ ສາມາດຈັບໂຈນທີ່ເຄື່ອນໄຫວງັດເຮືອນປະຊາຊົນ ຢູ່ເຂດບ້ານນໍ້າຢ້າງ ເມືອງວຽງທອງ ແລ້ວເຂົ້າໄປລັກເອົາເງິນ ແລະ ສິ່ງຂອງມີຄ່າໄດ້ຈໍາ ນວນ 3 ຄົນ ແລະ ເກັບກູ້ຂອງກາງຄືນມາໄດ້ຈໍານວນໜຶ່ງ.

ເຈົ້າໜ້າທີ່ ປກສ ເມືອງວຽງທອງ ໃຫ້ຮູ້ວ່າ: ໃນທ້າຍເດືອນພະຈິກ ແລະ ຕົ້ນເດືອນທັນວາ ມີເຫດການລັກຊັບເກີດຂຶ້ນຢູ່ເຂດບ້ານນໍ້າຢ້າງ ເມືອງວຽງທອງ ຈຶ່ງໄດ້ແຕ່ງຕັ້ງກໍາລັງລົງກວດກາ ແລະ ຕິດຕາມເປົ້າໝາຍ, ແຕ່ກໍບໍ່ສາມາດຊອກຮູ້ໄດ້ຍ້ອນພວກເຂົາບໍ່ນໍາຂອງກາງທີ່ລັກໄດ້ໄປຂາຍ; ດັ່ງນັ້ນ, ເຈົ້າໜ້າທີ່ ຈຶ່ງລະດົມໃຫ້ບັນດາຮ້ານຂາຍວັດຖຸ

ມີຄ່າຊ່ວຍເປັນຫູເປັນຕາເມື່ອພົບຄົນຕ້ອງສົງໄສໃຫ້ແຈ້ງເບາະແສຕໍ່ເຈົ້າໜ້າທີ່ໂດຍດ່ວນ. ຈົນຮອດວັນທີ 10 ທັນວາ 2022, ໄດ້ມີພົນລະເມືອງດີລາຍງານວ່າ ມີຄົນນໍາເອົາ ແຫວນຄ້າຍຄືຄໍາມາຂາຍ, ເຊິ່ງແຫວນດັ່ງກ່າວມີຮູບປະພັນລັກສະນະຄ້າຍຄືກັບຜູ້ເສຍຫາຍໄດ້ມາແຈ້ງໄວ້; ດັ່ງນັ້ນ, ເຈົ້າໜ້າທີ່ ຈຶ່ງໄດ້ເລັ່ງຕິດຕາມຊອກຄົ້ນຫາ

ເປົ້າໝາຍຖືກສົງໄສຢ່າງຮີບດ່ວນ; ຮອດວັນທີ 12 ທັນວາ 2022, ກໍສາມາດຈັບຕົວ ທ້າວ ວັນທອງ ອາຍຸ 19 ປີ, ຢູ່ບ້ານນໍ້າຢ້າງ; ຈາກນັ້ນ, ເຈົ້າໜ້າທີ່ ເຂົ້າກວດຄົ້ນເຮືອນຂອງຜູ້ກ່ຽວ ພົບເຫັນເຄື່ອງຂອງກາງທີ່ພົວພັນກັບຄະດີຫຼາຍລາຍການ ຄື: ເງິນ 40.000.000 ກີບ, ເງິນກີບຫົວໜາມໃຫຍ່ 9 ກີບ, ເງິນກີບຫົວໜາມນ້ອຍ 4

ກີບ, ເງິນບີ້ 11 ຫຼຽນ, ເງິນອັດ, ເງິນຊູ 2 ຫຼຽນ, ເງິນຂັນນ້ອຍ 1 ຂັນ, ແຫວນຄ້າຍຄືເງິນ 1 ວົງ, ຕ້າງຫູຄ້າຍຄືເງິນ 1 ຄູ່ ແລະອື່ນໆ.

ຜ່ານການສອບສວນ, ທ້າວ ວັນທອງ ຍອມ ຮັບວ່າ: ເຄື່ອງຂອງດັ່ງກ່າວໄດ້ຮັບມາຈາກນ້ອງຊາຍ ຊື່ ທ້າວ ສີພອນ ອາຍຸ 16 ປີ ແລະ ທ້າວ ສິງຄໍາ ອາຍຸ 18 ປີ ເອົາມາຝາກໄວ້, ເມື່ອຜູ້ກ່ຽວບໍ່ມີເງິນໃຊ້ຈ່າຍ ຈຶ່ງນໍາເອົາແຫວນຄ້າຍຄືຄໍາໄປຂາຍຢູ່ຮ້ານໜ້າຕະຫຼາດບ້ານນໍ້າຢ້າງໄດ້ເງິນ 1.500.000 ກີບ. ຈາກນັ້ນ, ເຈົ້າໜ້າທີ່ ຈຶ່ງໄລ່ຊອກໄລ່ຈັບ

ຜູ້ຖືກຫາອີກ 2 ຄົນ ແຕ່ກໍບໍ່ພົບຕົວ. ຈົນມາ ຮອດວັນທີ 17 ທັນວາ 2022, ພໍ່-ແມ່ຜູ້ປົກຄອງ ຈຶ່ງນໍາຕົວ ທ້າວ ສີພອນ ແລະ ທ້າວ ສິງຄໍາ ມາມອບໃຫ້ແກ່ເຈົ້າໜ້າທີ່ດໍາເນີນຄະດີ.

ຜ່ານການສອບສວນ, ອຜູ້ຖືກຫາທັງສອງ ຮັບສາລະພາບວ່າ: ໃນວັນທີ 6 ທັນວາ 2022, ໄດ້ຮ່ວມກັນລົງມືງັດເຂົ້າເຮືອນຂອງປະຊາຊົນຢູ່ຕໍ່ໜ້າປ່າຊ້ານໍ້າງອມ ບ້ານນໍ້າຢ້າງ ໂດຍໄດ້ຂີ່ລົດຈັກຊ້ອນກັນໄປຈອດປະໄວ້ທາງເຂົ້າປ່າ ຊ້າແລ້ວຍ່າງໄປ ໂດຍໃຊ້ພ້າ ແລະ ເຫຼັກງັດຢາງຕີນລົດທີ່ກຽມມາ ງັດເຂົ້າປະຕູເຮືອນນ້ອຍ ແລ້ວງັດເຂົ້າປະຕູເຮືອນໃຫຍ່ເຂົ້າ

ໄປກວດຄົ້ນເອົາເຄື່ອງຢູ່ໃນຫ້ອງນອນໄດ້ໂທລະສັບ 2 ເຄື່ອງ; ຈາກນັ້ນ, ໄດ້ລາກເອົາຕູ້ເຊັບອອກມານອກຫ້ອງແລ້ວເອົາພ້າ ແລະ ເຫຼັກງັດຢາງຕີນລົດ ງັດຝາຕູ້ເຊັບໃຊ້ເວລາງັດປະມານ 1 ຊົ່ວໂມງ ຈຶ່ງສໍາເລັດ ແລ້ວເກັບເອົາຊັບສິນ. ໃນນັ້ນ, ມີເງິນກີບປະມານ 65.000.000 ກີບ, ຖົງຜ້າສີຟ້າທີ່ບັນຈຸສາຍຄໍຄ້າຍຄືເງິນ 3 ເສັ້ນ, ແຫວນຄ້າຍຄືເງິນ

1 ວົງ, ແຫວນຄ້າຍຄືຄໍາ 1 ວົງ, ເງິນບາດ 5.000 ບາດ, ເງິນຂັນ ແລະ ເງິນກີບຫົວໜາມຈໍານວນໜຶ່ງ ແລະອື່ນໆ; ເມື່ອລັກເອົາຊັບໄດ້ແລ້ວກໍພາກັນເອົາເງິນມາແບ່ງປັນກັນຄົນລະ 35.000.000 ກີບ, ສ່ວນຖົງທີ່ບັນຈຸເຄື່ອງເງິນກີບເງິນຂັນແມ່ນ ທ້າວ ສີພອນ ເກັບຮັກສາໄວ້ ແລະ ໄດ້ເອົາໄປຝາກໄວ້ນໍາ ທ້າວ ວັນທອງ ໂດຍບອກວ່າ

ເຄື່ອງດັ່ງກ່າວພວກກ່ຽວໄດ້ໄດ້ໄປລັກມາ ແລະ ພວກກ່ຽວກໍໄດ້ແບ່ງເງິນທີ່ລັກມາໄດ້ໃຫ້ ທ້າວ ວັນທອງ ຄົນລະ 8.000.000 ກີບ ລວມເປັນ 16.000.000 ກີບ.
ທ້າວ ສີພອນ ແລະ ທ້າວ ສິງຄໍາ ຍອມຮັບອີກວ່າ: ໃນຄັ້ງວັນທີ 26 ພະຈິກ 2022, ໄດ້ ຮ່ວມມືກັນງັດເຮືອນຫຼັງໜຶ່ງຢູ່ເຂດບ້ານນໍ້າຢ້າງ ເມືອງວຽງທອງ ໄດ້ສາຍຄໍຄ້າຍຄືຄໍາ

1 ເສັ້ນ, ຕ້າງຫູຄ້າຍຄືຄໍາ 1 ກິ່ງ, ປືນສັ້ນ 1 ກະບອກ, ລູກປືນ 9 ລູກ, ເງິນ 5.200.000 ກີບ ແລະ ເຄື່ອງອື່ນໆ; ຈາກນັ້ນ, ກໍພາກັນຂັບຂີ່ລົດຈັກ ເອົາສາຍຄໍຄໍາໄປຂາຍຢູ່ທາງແບ່ງເຂດບ້ານເຫຼົ່າ ເມືອງວຽງທອງ ໄດ້ເງິນ 15.000.000 ກີບ ແລ້ວກໍເອົາເງິນທັງໝົດມາແບ່ງປັນກັນ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.