ສະຫລົດໃຈ ເກີດໄຟໄໝ້ລົດຕູ້ໂດຍສານຫລັງເສຍຫລັກຕົກຮ່ອງ ເສຍຊີວິດຢ່າງໜ້ອຍ 11 ຄົນ

0
41

ສຳນັກຂ່າວໄທລາຍງານວ່າ: ເວລາ 21:30 ນາທີຂອງວັນທີ 21 ມັງກອນ 2023 ທີ່ຜ່ານມາ ເກີດເຫດລົດຕູ້ໂດຍສານເສຍຫລັກຕົກຮ່ອງກາງຖະໜົນຈົນເກີດໄຟໄໝ້ໝົດລົດ ທີ່ຖະໜົນມິດຕະພາບ ເມືອງ ສີຄິ້ວ ແຂວງນະຄອນຣາດຊະສີມາ, ຂະນະທີ່ເກີດເຫດມີຜູ້ໂດຍສານເດີນທາງມາໃນລົດຕູ້ຄັນດັ່ງກ່າວ 12 ຄົນແລະ ເດີນທາງມາຈາກແຂວງ

ອຳນາດຈະເລີນ ມຸ່ງໜ້າສູ່ແຂວງນະຄອນປະຖົມ ເມື່ອຮອດຈຸດເກີດເຫດລົດໄດ້ເສຍຫລັກແລ່ນຕຳຮາວເຫລັກກັ້ນທາງ ແລ້ວຕົກລົງຮ່ອງຖະໜົນເຮັດໃຫ້ລົດຄັນດັ່ງກ່າວເກີດໄຟໄໝ້ ໝົດຄັນ ເສຍຊີວິດ 11 ຄົນ, ແຕ່ມີຜູ້ລອດຊີວິດ 1 ຄົນ. ແນວໃດກໍດີຍັງບໍ່ສາມາດລະບຸໄດ້ຢ່າງຈະແຈ້ງວ່າຜູ້ເສຍຊີວິດເປັນໃຜແດ່ ເນື່ອງຈາກສະພາບສົບຜູ້ເສຍຊີວິດຖືໄໝ້ດຳໝົດ.

ມາຮອດຕອນເຊົ້າວັນທີ 23 ມັງກອນ 2023 ທີ່ສະຖານີ ຕຳຫລວດ ສີຄິ້ວ ມີພີ່ນ້ອງຜູ້ເສຍຊີວິດເດີນທາງມາຍື່ນເອກະສານເພື່ອນຳສົບໄປເຮັດພິທີທາງສາສະໜາ ແຕ່ຍັງບໍ່ສາມາດຮັບສົບອອກໄປໄດ້ ເນື່ອງຈາກຜູ້ເສຍຊີວິດຍັງບໍ່ສາມາດຢືນຢັນຕົວຕົນທີ່ຈະແຈ້ງ, ດັ່ງນັ້ນເຈົ້າໜ້າທີ່ຈຶ່ງໄດ້ຍ້າຍສົບໄປກວດດີເອັນເອເພື່ອຢືນ ຢັນບຸກຄົນ ທີ່ສະຖາບັນນິຕິເວດວິທະຍາໂຮງໝໍຕຳຫລວດ. ສ່ວນສາເຫດຂອງການເກີດອຸບັດເຫດ ເຈົ້າໜ້າທີ່ພວມສືບສວນ-ສອບສວນ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.