ເຊີນຊາວພຸດຮ່ວມບຸນສະຫຼອງສົມໂພດ ອົງພຣະຍອດແກ້ວຣາຊະຄູຫຼວງໂພນສະເມັກ ອົງໃຫຍ່ທີ່ສຸດໃນລາວ ເປັນຄັ້ງປະຫວັດສາດ

0
104

ບຸນສະຫຼອງສົມໂພດ ອົງພຣະຍອດແກ້ວຣາຊະຄູຫຼວງໂພນສະເມັກ (ພຣະຄູຂີ້ຫອມ) ທີ່ວັດພຣະທາດລູກກະຕັນຍູ ສຸກວິໄລ ວໍຣະວິຫານ ບ້ານຄອນໄຫຼ​ ນະຄອນປາກເຊ​ ແຂວງຈໍາປາສັກຈະໄດ້ຈັດຂຶ້ນໃນວັນພະຫັດ​ ວັນທີ 26 ຫາ ວັນສຸກ​ ວັນທີ 27 ມັງກອນ 2023 ນີ້.

ວັນພະຫັດ​ ວັນທີ 26 ມັງກອນ​ 2023​ ກົງກັບຂຶ້ນ 5 ຄ່ຳ ເດືອນ 3 ລາວ​ ຈະເປັນມື້ຫ້າງຫາກະກຽມ ແລະ ຮັບອະນຸໂມທະນາຕະຫຼອດທັງວັນ.​ ເວລາ 15:00 ຈະໄດ້ແຫ່ກອງອັດຖະ ຈໍານວນ 9 ກອງ ເຂົ້າສູ່ວັດພຣະທາດລູກກະຕັນຢູ ສຸກວິໄລ ວໍຣະວິຫານ.​

ວັນສຸກ​ ວັນທີ 27 ມັງກອນ ກົງກັບມື້ຂຶ້ນ 6 ຄ່ຳ ເດືອນ 3 ລາວ,​ ເວລາ 7 ໂມງ ຈະມີພິທີທໍາບຸນໃສ່ບາດ ຖວາຍສັງຄະທານ,​ ຟັງທໍາມະເທສະໜາ,​ ຮັບພອນ, ຢາດນ້ໍາ ແລະ​ ຍົກຍອດພຣະທາດບໍລິວານທັງ 4 ອົງ.​ ເວລາ 18 ໂມງ ເຂົ້າສູ່ພິທີສຸດປະຣິຕະມົງຄຸນ,​ ຖວາຍອົງພຣະຍອດແກ້ວ ຣາຊະຄູຫຼວງໂພນສະເມັກ (ພໍ່ເຖົ້າຄູຂີ້ຫອມ)​ ແລະ ເທທອງ ຫຼ່ໍພຣະອົງແສນ ອົງຈໍາລອງ.​ ເວລາ​ 20​ ໂມງ ເຂົ້າສູ່ພິທີສົມໂພດພຣະຕະຫຼອດແຈ້ງ.​

ບຸນສະຫຼອງສົມໂພດດັ່ງກ່າວນີ້ຈັດຂຶ້ນເປັນຄັ້ງທໍາອິດ ແລະ​ ເປັນຮູບຫຼໍ່ຂອງອົງພຣະຍອດແກ້ວຣາຊະຄູຫຼວງໂພນສະເມັກ (ພຣະຄູຂີ້ຫອມ) ຈະໃຫຍ່ທີ່ສຸດໃນລາວ ເພື່ອເປັນມູນມັງມໍລະດົກ ຂອງຊາດ​ ແລະ​ ຂອງພຣະພູດທະສາສະໜາ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.