ປີ 2022 ສປປ ລາວ ໄດ້ຮັບລາງວັນມາດຕະຖານການທ່ອງທ່ຽວອາຊຽນຈໍານວນ 17 ລາງວັນ

0
138

ປີ 2022 ສປປ ລາວ ໄດ້ຮັບລາງວັນມາດຕະຖານການທ່ອງທ່ຽວອາຊຽນຈໍານວນ 17 ລາງວັນ ປະກອບມີ: ມາດຕະຖານໂຮງແຮມຂຽວອາຊຽນ 05 ລາງວັນ, ມາດຕະຖານເມືອງທ່ອງທ່ຽວສະອາດອາຊຽນ 03 ລາງວັນ, ມາດຕະຖານການຈັດງານອາຊຽນ 07 ລາງວັນ (ປະເພດຫ້ອງປະຊຸມ 05 ລາງວັນ, ປະເພດສະຖານທີ່ຈັດງານວາງສະແດງ 02 ລາງວັນ), ການທ່ອງທ່ຽວແບບຍືນຍົງອາຊຽນ 02 ລາງວັນ ການມອບ-ຮັບລາງວັນແມ່ນໄດ້ຈັດຂຶ້ນຢູ່ປະເທດ ກໍາປູເຈຍ

ທ່ານ ວັນສີ ກົວມົວ ຮອງລັດຖະມົນຕີກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ລາຍງານໃນກອງປະຊຸມສະຫລຸບວຽກງານ ຖວທ ທົ່ວປະເທດ ປະຈຳປີ 2022 ໃນວັນທີ 23 ມັງກອນ 2023 ໄລຍະຜ່ານມາ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ມີການຄົ້ນຄວ້າ ເພື່ອປັບປຸງກົດໝາຍ ວ່າດ້ວຍການທ່ອງທ່ຽວ, ດໍາ

ລັດວ່າດ້ວຍກອງທຶນການທ່ອງທ່ຽວ, ສະຖານທີ່ທ່ອງທ່ຽວ, ເມືອງທ່ອງທ່ຽວ,ສະພາສົ່ງເສີມການຕະຫລາດທ່ອງທ່ຽວລາວ ແລະ ຂໍ້ຕົກລົງວ່າດ້ວຍທຸລະກິດສົ່ງເສີມສຸຂະພາບ ເພື່ອເປັນເຄື່ອງມືໃນການຄຸ້ມຄອງບັນດາຫົວ ໜ່ວຍທຸລະກິດບໍລິການ ໃນຂະແໜງການທ່ອງທ່ຽວ.

ປັດຈຸບັນ ສປປ ລາວ ໄດ້ມີສະຖານທີ່ພັກແຮມທັງໝົດ 3.095 ແຫ່ງ, ມີ 67.370 ຫ້ອງ, ໃນນັ້ນ ໂຮງແຮມມີ 759 ແຫ່ງ, 27.941 ຫ້ອງ; ຣີສອດ ແລະ ເຮືອນພັກ 2.331 ແຫ່ງ, 39.357 ຫ້ອງ; ພັດຕາຄານ 27 ແຫ່ງ, ສວນອາຫານ 33 ແຫ່ງ, ຮ້ານອາຫານ 2.944 ແຫ່ງ, ສະຖານທີ່ບັນເທີງ 140 ແຫ່ງ, ຮ້ານຄາຣາໂອເກະ

191 ແຫ່ງ; ການຈັດຂັ້ນໂຮງແຮມ ແລະ ເຮືອນພັກໄດ້ທັງໝົດ 136 ແຫ່ງ, ໃນນັ້ນມີໂຮງແຮມ ແລະ ຣີສອດ 79 ແຫ່ງ, ເຮືອນພັກ 57 ແຫ່ງ, ໂຮງແຮມລະດັບ 05 ດາວ 10 ແຫ່ງ, ໂຮງແຮມ 04 ດາວ 14 ແຫ່ງ, ໂຮງແຮມ 03 ດາວ 24 ແຫ່ງ, ໂຮງແຮມ 02 ດາວ 17 ແຫ່ງ, ໂຮງແຮມ 01 ດາວ 14 ແຫ່ງ; ເຮືອນພັກ 03 ດອກຈໍາປາ 11 ແຫ່ງ, 02 ດອກຈໍາປາ 26 ແຫ່ງ ແລະ 01 ດອກຈໍາປາ 20 ແຫ່ງ.

ນອກຈາກນີ້, ມີບໍລິສັດທ່ອງທ່ຽວທັງໝົດ 592 ບໍລິສັດ ເພີ່ມຂຶ້ນ 07 ບໍລິສັດ, ໃນນັ້ນມີບໍລິສັດແມ່ 559 ບໍລິສັດ, 33 ສາຂາ ບໍລິສັດທ່ອງທ່ຽວ, ພະນັກງານນຳທ່ຽວທົ່ວປະ ເທດ 2.090 ຄົນ ເພີ່ມຂຶ້ນ 120 ຄົນ, ຂັ້ນແຂວງມີ 260 ຄົນ ແລະ ພື້ນທີ່ 23 ຄົນ; ພາສາທີ່ໄດ້ອອກບັດພະນັກງານນໍາທ່ຽວ ມີທັງໜົດ 12 ພາສາຄື: ອັງກິດ, ສະເປນ, ຝຣັ່ງ, ເຢຍຣະມັນ, ອີຕາລີ, ຍີ່ປຸ່ນ, ຈີນ, ຫວຽດນາມ, ເກົາຫລີ, ໄທ, ອີນໂດເນເຊຍ ແລະ ຣັດເຊຍ.

ເນື້ອໃນຄັດດຈາກ: KPL, ຂ່າວ: ມະນີທອນ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.