ປະກາດຫາເຈົ້າຂອງລົດ ຈໍານວນ 372 ຄັນ ທີ່ກັກໄວ້ຢູ່ ປກສ ແຂວງສະຫວັນນະເຂດ ໃຫ້ມາພົວພັນເອົາ

0
34

ແຈ້ງຂ່າວ ເຖິງ: ພະນັກງານ, ທະຫານ, ຕໍາຫຼວດ, ນັກທຸລະກິດ, ຊາວຄ້າຂາຍ, ນັກຮຽນນັກສຶກສາ, ຕະຫຼອດຮອດ ພໍ່ແມ່ປະຊາຊົນ ບັນດາເຜົ່າ ພາຍໃນແຂວງສະຫວັນນະເຂດ.

ເລື່ອງ: ກ່ຽວກັບລົດຈັກ ທີ່ເຈົ້າໜ້າທີ່ຕໍາຫຼວດກັກໄວ້ ຢູ່ພະແນກຕໍາຫຼວດຈະລາຈອນ ປກສ ແຂວງ ຢູ່ (ຫຼັກ8)
ແລະ ຢູ່ ກອງບັນຊາການ ປກສ ເມືອງວິລະບູລີ ແຂວງສະຫວັນນະເຂດ

– ອີງຕາມ ການຈັດຕັ້ງປະຕິບັດ ວຽກງານວິຊາສະເພາະ ຂອງເຈົ້າໜ້າທີ່ຕໍາຫຼວດຈະລາຈອນ ປກສ ແຂວງ, ພະແນກຕໍາຫຼວດເສດຖະກິດແຂວງ ແລະ ກອງບັນຊາການ ປກສ ເມືອງວິລະບູລີໃນໄລຍະຜ່ານມາ

– ອີງຕາມ ໜັງສືສະເໜີ ຂອງພະແນກຕໍາຫຼວດຈະລາຈອນ ປກສ ແຂວງ ສະບັບ ເລກທີ 042 /ພຕຈ ສຂ ລົງວັນທີ23ມັງກອນ 2023.

ກອງບັນຊາການ ປກສ ແຂວງສະຫວັນນະເຂດອອກແຈ້ງການ

1. ພະນັກງານ, ທະຫານ, ຕໍາຫຼວດ, ນັກທຸລະກິດ, ຊາວຄ້າຂາຍ, ນັກຮຽນນັກສຶກສາ, ຕະຫຼອດຮອດພໍ່ແມ່ປະຊາຊົນ ບັນດາເຜົ່າ ພາຍໃນແຂວງສະຫວັນນະເຂດ ທີ່ເປັນເຈົ້າຂອງລົດຈັກ ຈໍ່ານວນ 372ຄັນ ໃຫ້ນໍາເອົາເອກະສານລົດ ເຂົ້າມາພົວພັນ ນໍາເຈົ້າໜ້າທີ່ຕໍາຫຼວດ ຢູ່ ພະແນກຕໍາຫຼວດຈະລາຈອນ ປກສ ແຂວງ ແລະຢູ່ກອງບັນຊາການ ປກສ ເມືອງວິລະບູລີ ຕາມໂມງລັດຖະການພາຍໃນ 60 ວັນ ນັບແຕ່ວັນທີ 01ມັງກອນ ຫາ ວັນທີ 01 ມີນາ2023 ຖ້າກາຍກໍານົດເວລາດັ່ງກ່າວ ແລ້ວ ຈະໄດ້ສະເໜີ ພາກສ່ວນກ່ຽວຂ້ອງ ຢຶດເປັນຂອງລັດ ປະມູນຂາຍ ຕາມລະບຽບກົດໝາຍ.

2. ລົດຈໍານວນດັ່ງກ່າວ ແມ່ນໄດ້ມາຈາກການກວດກາ ການດໍາເນີນຄະດີ ຂອງເຈົ້າໜ້າທີ່ຕໍາຫຼວດຈະລາຈອນ ປກສ ແຂວງຈໍານວນ 24ຄັນ, ໄດ້ມາຈາກການປະຕິບັດໜ້າທີ່ຂອງເຈົ້າໜ້າທີ່ຕໍາຫຼວດ ປກສ ເມືອງວິລະບູລີ ຈໍານວນ 286 ຄັນ, ລວມທັງໝົດ 372ຄັນ, ເຊິ່ງລົດຈໍານວນດັ່ງກ່າວ ໄດ້ຮັກສາໄວ້ຢູ່ ພະແນກຕໍາຫຼວດຈະລາຈອນ ປກສ ແຂວງ (ຫຼັກ8) ຈໍານວນ 86 ຄັນ ແລະ ຢູ່ ປກສ ເມືອງວິລະບູລີ ຈໍານວນ 286ຄັນ.

ດັ່ງນັ້ນ ກອງບັນຊາການ ປກສ ແຂວງສະຫວັນນະເຂດ ຈິ່ງອອກແຈ້ງການມາຍັງບັນດາທ່ານເພື່ອຮັບຊາບ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.