ພາຍຫລັງມີດາລາສາວໄຕ້ຫວັນ ອອກມາເປີດເຜີຍພຶດຕິກຳອັນບໍ່ເໝາະສົມຂອງເຈົ້ານ້າທີ່ຕຳຫລວດໄທ ທີ່ຕັ້ງດ່ານແລ້ວຮຽກເອົາເງິນນຳນັກທ່ອງທ່ຽວ ກາຍເປັນປະເດັນຟົດເດືອດໃນສັງຄົມໄທ ໃນໄລຍະ 2 ອາທິດຜ່ານມາ ຈົນນຳມາເຊິ່ງການສືບສວນສອບສວນ ແລະ ນຳຫລັກຖານມາພິສູດຄວາມຜິດຂອງເຈົ້າໜ້າທີ່ຄະະນດັ່ງກ່າວ.
ຫລ້າສຸດວັນທີ 2 ກຸມພາ 2023 ຜ່ານມານີ້ ກອງບັງຄັບບັນຊາການ ຕຳຫລວດນະຄອນບານ 1 ມີຄຳສັ່ງໃຫ້ປົດເຈົ້າໜ້າທີ່ຕຳຫລວດອອກຈາກກອງບັງຄັບບັນຊາການ ຈຳນວນ 6 ນາຍ ໃນສັງກັດສະຖານີຫ້ວຍຂວາງ ເນື່ອງຈາກມີການກະທຳຜິດທາງວິໄນຮ້າຍແຮງ, ປະຕິບັດເວນຍາມໂດຍບໍ່ຖືກຕ້ອງ ອັນສ້າງຄວາມເສຍຫາຍແກ່ບຸກຄົນອື່ນ ຫລື ເປັນການປະຕິບັດເວນຍາມໂດຍທຸຈະລິດ.
ຕຳຫລວດ 6 ນາຍທີ່ຖືກສັ່ງອອກຈາກກອງກຳລັງນັ້ນ ໄດ້ມີການຝາກຂັງໄວ້ ແລະ ຫ້າມບໍ່ໃຫ້ມີການປະກັນຕົວ ເນື່ອງຈາກເຫັນວ່າເປັນການປະພຶດໃນທາງຜິດ ຫາກມີການປະກັນຕົວອາດນຳໄປສູ່ການສ້າງຄວາມຫຍຸ້ງຍາກແກ່ພະຍານຫລັກຖານ ຫລື ຂົ່ມຂູ່ພະຍານ.
