ໂບບີ້ ໄດ້ຮັບຕໍາແຫນ່ງເປັນຫມາທີ່ອາຍຸສູງສຸດຂອງໂລກ ທີ່ມີຊີວິດຢູ່ ແລະ ມັນຍັງເປັນໝາທີ່ອາຍຸແກ່ທີ່ສຸດ ຕັ້ງແຕ່ເຄີຍມີມາ ໂດຍມີອາຍຸສູງສຸດ 30 ປີ 267 ມື້ ນັບແຕ່ວັນທີ 1 ກຸມພາ ທີ່ຜ່ານມາ ໂດຍສຳນັກງານສັດຕະວະແພດຂອງເມືອງ ແລະຖານຂໍ້ມູນສັດລ້ຽງຂອງລັດຖະບານປອກຕຸຍການ ໄດ້ມີກວດສອບຢືນຢັນ ວ່າວັນເດືອນປີເກີດຂອງ ໂບບີ້ ແມ່ນວັນທີ 11 ພຶດສະພາ 1992.
ການມອບຕໍາແຫນ່ງເປັນຫມາທີ່ອາຍຸສູງສຸດຂອງໂລກໃຫ້ ໂບບີ້ ມີຂຶ້ນຫຼັງຈາກທີ່ ກິນເນສສ໌ “Guinness” ຫາກໍປະກາດໃນສອງອາທິດທີ່ຜ່ານມາວ່າ ສະໄປຄ໌ ໝາພັນຊິວາວາ ໃນ Ohio ສະຫະລັດອາເມຣິກາ ເປັນໝາທີ່ມີອາຍຸຍືນທີ່ສຸດໃນໂລກ ເພາະມັນມີອາຍຸ 23 ປີ 7 ວັນໃນ. ໂບບີ້ ແມ່ນໝາພັນ Rafero do Alentejo ເຊິ່ງຕາມ
ປົກກະຕິແລ້ວໝາພັນນີ້ມີອາຍຸສະເລ່ຍພຽງແຕ່ 12 ຫາ 14 ປີເທົ່ານັ້ນ ແຕ່ ໂບບີ້ ມີອາຍຸທີ່ເກີນສະເລ່ຍເຖິງ 2 ເທົ່າໂດຍມັນອາໃສ່ຢູ່ກັບເຈົ້າຂອງໃນ ເມືອງໄຣເລຍ ພາກກາງຂອງປອກຕຸຍການ.
