ປກສ ເມືອງຕົ້ນເຜິ້ງ ເຊັນບົດບັນທຶກກັບຜູ້ປະກອບການຮ້ານບັນເທີງ-ກິນດື່ມ ແກ້ໄຂບັນຫາຫຍໍ້ທໍ້ມົ້ວສຸມຢາເສບຕິດ ແລະ ອາລະວາດຕີກັນ

0
60

ແຫລ່ງຂ່າວແຂວງບໍ່ແກ້ວ ລາຍງານວ່າ: ວັນທີ 2 ມີນາ 2023, ພະແນກຕຳຫລວດກອງບັນຊາການ ປກສ ເມືອງ ຕົ້ນເຜິ້ງ ໄດ້ຈັດກອງປະຊຸມຜ່ານບົດບັນທຶກ ລະຫວ່າງຫ້ອງການກ່ຽວຂ້ອງ ແລະ ຜູ້ປະກອບການຮ້ານບັນເທີງ, ຮ້ານກິນດື່ມ, ຮ້ານຄາລະໂອເກະ ແລະ ຮ້ານອາຫານ ພາຍໃນເມືອງ ຕົ້ນເຜິ້ງ, ໂດຍເປັນປະທານຂອງ ທ່ານ ພັຕ ອິນສົມ ບຸນຍົງ ຫົວໜ້າພະແນກຕຳຫລວດ.

ເພື່ອແນໃສ່ແກ້ໄຂບັນຫາປາກົດຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມ ໂດຍສະເພາະຢູ່ຮ້ານບັນເທີງ, ຮ້ານກິນດື່ມ, ຮ້ານຄາລະໂອເກະ ແລະ ຮ້ານອາຫານ ເຊັ່ນ: ບັນຫາການມົ້ວສຸມຢາເສບຕິດປະເພດຕ່າງໆ ເຊິ່ງມີຜົນຮ້າຍແຮງຕໍ່ຮ່າງກາຍ ເຖິງຂັ້ນຊັອກ ແລະ ຖືກນໍາສົ່ງເຂົ້າໂຮງໝໍມື້ລະ 4-5 ລາຍ ບາງລາຍເຖິງຂັ້ນເສຍຊີວິດ, ບັນຫາການອາລະວາດຕີ

ກັນ, ບັນຫາການເປີດບໍລິການເກີນໂມງເວລາ ແລະ ເປີດເພງດັງເກີນກຳນົດສົ່ງສຽງລົບກວນຊຸມຊົນໃກ້ຄຽງ, ບັນຫາການຈອດລົດບໍ່ເປັນລະບຽບຕາມສອງຂ້າງທາງໜ້າຮ້ານບັນເທີງ, ຮ້ານກິນດື່ມ, ຮ້ານຄາລະໂອເກະ, ຮ້ານອາຫານ ກີດຂວາງການສັນຈອນ ແລະ ສ່ຽງຕໍ່ການເກີດອຸປະຕິເຫດ ແລະ ອື່ນໆ. ຈາກນັ້ນໄດ້ຜ່ານຮ່າງບົດບັນທຶກຂໍ້ຫ້າມ

ຕ່າງໆ ຕໍ່ຜູູ້ປະກອບການ ພ້ອມທັງປະກອບຄຳຄິດເຫັນເພື່ຶອຄວາມເປັນເອກະພາບກັນຕໍ່ການປະຕິບັດບັນດາຂໍ້ຫ້າມໃນບົດບັນທຶກດັ່ງກ່າວຕາມຄວາມເໝາະສົມກັບສະພາບຕົວຈິງ ແລະ ຕາມລະບຽບການທີ່ກຳນົດໄວ້, ຜ່ານການປະກອບຄຳຄິດ ເຫັນຂອງເຈົ້າໜ້າທີ່, ພະນັກງານຫ້ອງການກ່ຽວຂ້ອງ ແລະ ຜູ້ປະກອບການ ເຫັນວ່າບັນຫາປາກົດການ

ຫຍໍ້ທໍ້ທີ່ເກີດຂຶ້ນໃນຮ້ານດັ່ງກ່າວ ບາງບັນຫາແມ່ນເກີດຈາກຜູ້ໃຊ້ບໍລິການເອງ ແລະ ບາງບັນຫາກໍມາຈາກຜູ້ປະກອບການ ເຊັ່ນ: ບາງຮ້ານຍັງມີການເປີດໃຫ້ມີບ່ອນມົ້ວສຸມຢາເສບຕິດ ເຊິ່ງສະແດງອອກຈາກຫລັກຖານອຸປະກອນການເສບທີ່ເຈົ້າໜ້າທີ່ຢຶດມາໄດ້ ແລະ ຈາກການສອບສວນຜູ້ເສບທີ່ເຈົ້າໜ້າທີ່ນໍາຕົວມາສອບສວນ, ບາງຮ້ານບໍ່ໃຫ້ການ

ຮ່ວມມືກັບເຈົ້າໜ້າທີ່ເວລາເກີດເຫດຕ່າງໆຢູ່ຮ້ານຂອງຕົນ ເຊັ່ນ: ການລົບຂໍ້ມູນພາບໃນກ້ອງວົງຈອນປິດ, ບາງຮ້ານຍັງເປີດບໍລິການເກີນໂມງເວລາເຖິງ 4-5 ໂມງເຊົ້າ ທັງມີການມົ້ວສຸມຢາເສບຕິດປະເພດຕ່າງໆ.

ຈາກນັ້ນ ເຈົ້າໜ້າທີ່, ພາກສ່ວນກ່ຽວຂ້ອງ ແລະ ຜູ້ປະກອບການກໍໄດ້ພ້ອມກັນເຊັນຮັບຮູ້ບົດບັນທຶກສະບັບດັ່ງກ່າວ ເພື່ອເປັນເອກະພາບກັນປະຕິບັດຂໍ້ຫ້າມຕ່າງໆ ຄື: ຫ້າມບໍ່ໃຫ້ເຈົ້າຂອງຮ້ານ, ພະນັກງານ ແລະ ລູກຄ້າ ພົວພັນປັນຫາສິ່ງເສບຕິດທຸກປະເພດຢູ່ຮ້ານ ເປັນຕົ້ນ ກາເຟມ່ວນ (ມີສານເສບຕິດ), ເຄຕາມິນ(ຢາເຄ), ໝາກປູມເປົ້າ,

ຢາບ້າ, ຢາໄອສ໌ ແລະ ຢາເສບຕິດປະເພດອື່ນໆ ທີ່ຜິດຕໍ່ລະບຽບກົດໝາຍແຫ່ງ ສປປ ລາວ, ຫ້າມບໍ່ໃຫ້ເຈົ້າຂ້ອງຮ້ານ, ພະນັກງານ ແລະ ບຸກຄົນອື່ນໆຫຍຸ້ງກ່ຽວພົວພັນກັບຢາເສບຕິດເປັນຕົ້ນການຊື້-ຂາຍ ເສບ, ນຳເຂົ້າ, ສົ່ງອອກ ຫລື ອໍານວຍຄວາມສະດວກໃຫ້ບຸກຄົນອື່ນມົ້ວສຸມຢາເສບຕິດຢູ່ໃນຮ້ານຢ່າງເດັດຂາດ, ໃຫ້ເຈົ້າຂອງຮ້ານມີຄວາມ

ຮັບຜິດຊອບຕິດຕາມລູກຄ້າທີ່ມາບໍລິການກິນດື່ມບໍ່ໃຫ້ມີການມົ້ວສຸມສິ່ງເສບຕິດທຸກປະເພດຢູ່ໃນຮ້ານ, ຖ້າພົບເຫັນແມ່ນໃຫ້ແຈ້ງຕໍ່ເຈົ້າໜ້າທີ່ໆກ່ຽວຂ້ອງ, ຖ້າຫາກຮ້ານໃດຫາກຝ່າພື້ນ ຫລື ບໍ່ປະຕິບັດຕາມບົດບັນທຶກສະບັບນີ້ແມ່ນຈະໄດ້ປະຕິບັດຕາມລະບຽບກົດໜາຍທີ່ໄດ້ກຳນົດໄວ້, ໃຫ້ເຈົ້າຂອງຮ້ານປະຕິບັດເວລາປິດຮ້ານບໍ່ໃຫ້ເກີນເວລາ 11:30

ໂມງ, ຖ້າຮ້ານໃດຫາກໃຫ້ລູກຄ້າມົ້ວສຸມຢາເສບຕິດປະເພດຕ່າງໆ ຫລື ຫລິ້ນກິນເກີນຂອບເຂດ, ເຮັດໃຫ້ລູກຄ້າຊັອກ ຫລື ເສຍຊີວິດ ຈະໄດ້ຮັບຜິດຊອບຕໍ່ເຫດການດັ່ງກ່າວ ແລະ ຈະຖືກດຳເນີນຄະດີຕາມລະບຽບກົດໝາຍ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.