ປກສ ອຸດົມໄຊ ສຶກສາອົບຮົມ ແລະ ປູກຈິດສໍານຶກ ຜູ້ບຳບັດຢາເສບຕິ 100 ກວ່າຄົນ

0
58

ວັນທີ 1 ມີນາ 2023 ນີ້ ປກສ ແຂວງອຸດົມໄຊ ໄດ້ຈັດພິທີສຶກສາອົບຮົມ ແລະ ປູກຈິດສໍານຶກ ແກ່ພາກສ່ວນຮັບການບໍາບັດດັດສ້າງຢູ່ທີສູນດັ່ງກ່າວ. ໂດຍສືກສາອົບຮົມຂອງ ພັທ ຄຳລຸ້ນ ໂຍນທະໜອມ ຫົວໜ້າພະແນກຄວບຄຸມຢາເສບຕິດ ປກສ ແຂວງອຸດົມໄຊ.

ການສຶກສາອົບຮົມຄັ້ງນີ້ ຄະນະຮັບຜິດຊອບໄດ້ອະທິບາຍຂໍ້ກຳນົດກົດລະບຽບ ແລະ ບັນດາຂໍ້ຫ້າມ ແລະ ລະບຽບການຕ່າງໆທີ່ຄວນປະຕິບັດລວມທັງການຮັກສາສຸຂະອະນາໄມ

ພາຍໃນສູນເພື່ອສະກັດກັ້ນການປ້ອງກັນໂລກລະບາດເຊື້ອພະຍາດຕ່າງໆພ້ອມທັງເຜີຍແຜ່ກ່ຽວກັບຜົນຮ້າຍ, ຄວາມອັນຕະລາຍຂອງຢາເສບຕິດປະເພດຕ່າງໆ ເຊິ່ງພາໃຫ້ເກີດບັນຫາປາກົດການຫຍໍ້ທໍ້ທີ່ຮ້າຍແຮງຢູ່ໃນສັງຄົມໃນປັດຈຸບັນ ແລະ ອາຊະຍະກຳ, ປຸ້ນຈີ້, ຊີງຊັບ, ທຳຮ້າຍຮ່າງກາຍ, ຂີ້ລັກງັດແງະ ແລະ ອື່ນໆ.

ເວົ້າລວມເວົ້າສະເພາະຕໍ່ຜູ້ຮັບການບໍາບັດ-ດັດສ້າງຢູ່ໃນສູນແຫ່ງນີ້ໄດ້ຮັບຮູ້ ເຂົ້າໃຈກ່ຽວກັບບາບບຸນຄຸນໂທດຂອງຢາເສບຕິດ ທັງເຊື່ອມຊຶມກໍາແໜ້ນຕໍ່ແນວທາງນະໂຍບາຍຂອງພັກ-ລະບຽບກົດໝາຍຂອງລັດ ແລະ ເປັນການປູກຈິດສຳນຶກໃຫ້ເຂົ້າເຈົ້າກາຍມາເປັນລູກຫຼານທີ່ດີຂອງຄອບຄົວ ເປັນພົນລະເມືອງດີຢູໃນສັງຄົມ ພາຍຫຼັງຮັບການບໍາບັດປິ່ນປົວ

ຟື້ນຟູສຸຂະພາບຄົບຕາມກໍານົດ ຮູ້ສຶກກິນແໜງແຄງໃຈ ແລະ ໃຫ້ສາມາດອອກເຄື່ອນໄຫວປະກອບອາຊີບທີ່ສຸດຈະລິດ ແລະ ຖືກຕ້ອງຕາມລະບຽບກົດໝາຍບໍ່ໃຫ້ເຄື່ອນໄຫວກະທໍາສິ່ງທີ່ບໍ່ດີຕື່ມອີກ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.